Recipe : स्ट्रीट स्टाईल क्रिमी, टेस्टी ‘मलाई चाप’ घरी कसा बनवायचा? संध्याकाळच्या नाश्त्याला बनवा अन् सर्वांची मने जिंका

Malai Chaap Recipe : मऊ, क्रिमी आणि मलाईदार चाप संध्याकाळच्या नाश्त्यासाठी किंवा स्टार्टर्ससाठी एक उत्तम पर्याय ठरतो. सोयाबीनपासून तयार केले जाणारे हे चाप मसाले, मलाई आणि क्रीममध्ये मॅरीनेट करून शिजवले जाते.

(फोटो सौजन्य: Pinterest)

Follow Us:

Follow Us:

• मलाई चाप हा भारताचा एक लोकप्रिय स्ट्रीट फूड आहे.
• चाप हा पदार्थ सोयाबीनपासून बनवला जातो, मार्केटमध्ये हे चाप सहज उपलब्ध होतात.
• तुम्ही घरच्या घरी स्ट्रीट स्टाईल चविष्ट आणि मलाईदार चाप तयार करु शकता.

मुंबईकरांच्या आवडीचा… यावेळी घरी बनवा स्ट्रीट स्टाईल ‘देसी चीज वडापाव’, याची चव तुम्हाला मोहात टाकेल

मलाई चापची खासियत म्हणजे त्याचा क्रीमी आणि रिच फ्लेवर. घरच्या घरीही अगदी हॉटेलसारखी मलाई चाप बनवणे शक्य आहे. थोडेसे मसाले, क्रीम आणि योग्य पद्धत वापरली तर हा पदार्थ खूपच चविष्ट बनतो. जर तुम्हाला काहीतरी वेगळे आणि स्पेशल बनवायचे असेल, तर मलाई चाप हा उत्तम पर्याय ठरू शकतो. चला जाणून घेऊया याची रेसिपी.

साहित्य :

• 250 ग्रॅम सोया चाप
• 2 टेबलस्पून बटर किंवा तेल
• 1 कांदा (बारीक चिरलेला)
• 1 टीस्पून आलं-लसूण पेस्ट
• ½ कप दही
• ¼ कप फ्रेश क्रीम
• 8-10 काजू (पेस्ट)
• ½ टीस्पून हळद
• 1 टीस्पून लाल तिखट
• 1 टीस्पून गरम मसाला
• ½ टीस्पून कसुरी मेथी
• मीठ चवीनुसार
• कोथिंबीर

कृती :

• सर्वप्रथम सोया चापचे मध्यम आकाराचे तुकडे करून घ्या आणि हलकेसे तव्यावर तेलात परतून घ्या.
• कढईत बटर गरम करून त्यात बारीक चिरलेला कांदा घाला आणि तो सोनेरी रंगाचा होईपर्यंत परता.
• आता त्यात आलं-लसूण पेस्ट घालून 1 मिनिट परता, जेणेकरून त्याचा कच्चा वास निघून जाईल.
• त्यानंतर हळद, लाल तिखट आणि मीठ घालून सर्व मसाले चांगले मिसळा.
• आता दही आणि काजूची पेस्ट घालून मंद आचेवर 2-3 मिनिटे शिजू द्या, त्यामुळे ग्रेव्ही क्रीमी होईल.
• त्यात परतलेले सोया चाप घाला आणि 5 मिनिटे शिजू द्या. नंतर क्रीम, गरम मसाला आणि कसुरी मेथी घालून नीट मिसळा.
• शेवटी वरून कोथिंबीर घालून गरमागरम मलाई चाप नान किंवा पराठ्यासोबत सर्व्ह करा.

Web Title: How to make malai chaap at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com