गव्हाच्या पिठापासून १० मिनिटांमध्ये सकाळच्या नाश्त्यासाठी बनवा हेल्दी टेस्टी मालपुआ, अद्भुत चवीचा खमंग पदार्थ

आज आम्ही तुम्हाला दिवाळीनिमित्त सोप्या पद्धतीमध्ये मालपुआ बनवण्याची रेसिपी सांगणार आहोत. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल.

सणावाराच्या दिवसांमध्ये पाहुणे मंडळी घरी येतात. कुटुंबातील सदस्यांसोबत मोठ्या आनंद आणि उत्साहात दिवाळी साजरा केली जाते. दिवाळी म्हंटल की फराळात अनेक गोड पदार्थ बनवले जातात. यासोबतच पाहुण्यांच्या स्वागतासाठी अनेक रेसिपी केल्या जातात.म्हणूनच आज आम्ही तुम्हाला सोप्या पद्धतीमध्ये घरी आलेल्या पाहुण्यांसाठी टेस्टी मालपुआ बनवण्याची रेसिपी सांगणार आहोत. गव्हाच्या पिठापासून बनवलेला मालपुआ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. सणावाराच्या दिवसांमध्ये बाजारातील मिठाईत मोठ्या प्रमाणावर भेसळ केली जाते. भेसळ युक्त पदार्थांचे सेवन केल्यामुळे शरीराला अनेक तोटे होते. त्यामुळे सणांच्या दिवशी कायमच घरात मिठाई बनवून खावी. चला तर जाणून घेऊया मालपुआ बनवण्याची सोपी रेसिपी.(फोटो सौजन्य – istock)

Diwali 2025 : दिवाळीत फराळात बनवा कुरकुरीत आणि मसालेदार ‘कुरमुऱ्यांचा चिवडा’; फार सोपी आहे रेसिपी

साहित्य:

• गव्हाचं पीठ
• रवा
• साखर
• वेलची पावडर
• केशर
• बडीशेप
• तेल
• पाणी

सकाळी उठल्यानंतर नियमित प्या Carrot Shots! त्वचा चमकदार ठेवण्यासोबतच शरीराला होतील आश्चर्यकारक फायदे

कृती:

• मालपुआ बनवण्यासाठी सर्वप्रथम, मोठ्या भांड्यात गव्हाचं पीठ, चवीनुसार मीठ आणि रवा मिक्स करून घ्या.
• त्यानंतर त्यात बारीक करून घेतलेली वेलची आणि बडीशेप टाकून मिक्स करा.
• मिक्स करून झाल्यानंतर थोडं थोडं दूध टाकून गव्हाच्या पिठाची जाडसर पेस्ट तयार करा. पीठ बनवताना त्यात अजिबात गुठळ्या ठेवू नये.
• पॅनमध्ये पाणी गरम करून त्यात वाटीभर साखर टाकून पाक तयार करा. तयार केलेल्या साखरेच्या पाकात वेलची आणि केशर काड्या टाकून मिक्स करून घ्या.
• कढईमध्ये तेल गरम करण्यासाठी ठेवा. गरम तेलात छोट्या छोट्या आकाराचे मालपुआ टाकून दोन्ही बाजूने व्यवस्थित भाजून घ्या.
• भाजून घेतलेले मालपुआ साखरेच्या पाकात टाकून काहीवेळा मुरण्यासाठी ठेवा. तयार आहेत सोप्या पद्धतीमध्ये बनवलेले मालपुआ.