गरमागरम वाफाळत्या भातासोबत खाण्यासाठी मालवणी पद्धतीमध्ये झटपट बनवा कैरीचा सार, नोट करा रेसिपी

कच्च्या कैरीपासून कायमच ठराविक तेच पदार्थ बनवले जातात. पण आज आम्ही तुम्हाला मालवणी पद्धतीमध्ये कच्च्या कैरीचा सार बनवण्याची सोपी रेसिपी सांगणार आहोत. चला तर जाणून घेऊया रेसिपी.

उन्हाळा ऋतूला सुरुवात झाल्यानंतर बाजारात मोठ्या प्रमाणावर कच्च्या कैऱ्या उपलब्ध होतात. आंबटगोड चवीची कच्ची कैरी सगळ्यांचं खायला खूप जास्त आवडते. कैरीचे नाव ऐकल्यानंतर अनेकांच्या तोंडाला पाणी सुटते. पण कच्ची कैरी खाल्ल्यानंतर काहींना लगेच सर्दी किंवा खोकला होण्याची शक्यता असते. त्यामुळे अशांनी कच्ची कैरी खाण्याऐवजी शिजवलेली कैरी खावी. कैरीपासून अनेक वेगवेगळे पदार्थ बनवले जातात. कैरीचे लोणचं, कैरीचा मुरंबा, कैरीची चटणी इत्यादी पदार्थ कायमच बनवले जातात. पण आज आम्ही तुम्हाला मालवणी पद्धतीमध्ये आंबटगोड कैरीचे सार बनवण्याची सोपी रेसिपी सांगणार आहोत. हा पदार्थ गरमागरम वाफाळत्या भातासोबत खाण्यासाठी अतिशय सुंदर लागतो. या पद्धतीने बनवलेला कैरीचा सार सगळ्यांचं खूप जास्त आवडेल. दुपारच्या किंवा संध्याकाळच्या जेवणात नेहमी डाळ खाऊन कंटाळा आल्यास तुम्ही मालवणी पद्धतीमध्ये कैरीचा सार बनवू शकता. चला तर जाणून घेऊया रेसिपी.(फोटो सौजन्य – pinterest)

वजन झपाट्याने कमी करण्यासाठी रात्रीच्या जेवणासाठी प्या चविष्ट ओट्स सूप, पोटावर वाढलेली चरबी होईल नष्ट

साहित्य:

• कच्ची कैरी
• लाल सुक्या मिरच्या
• ओल्या खोबऱ्याचा किस
• मीठ
• कढीपत्त्याची पाने
• लसूण
• कांदा
• धणे
• हळद
• लाल तिखट
• कोथिंबीर

Ram Navami : राम नवमी निमित्त खास प्रसाद, झटपट घरी तयार करा स्वादिष्ट रव्याचा शिरा

कृती:

• आंबटगो कैरीचा सार बनवण्यासाठी सर्वप्रथम, कैरी पाण्याने स्वच्छ धुवून त्याच्या वरील साल काढा. त्यानंतर मध्यम आकारात तुकडे करा.
• वाटप बनवण्यासाठी ताटात ओल्या खोबऱ्याचा किस, लाल सुक्या मिरच्या, धणे, कांदा, लसूण पाकळ्या, कैरीचे तुकडे घेऊन मिक्सरच्या भांड्यात टाका.
• त्यानंतर त्यात थोडस पाणी घालून वाटप बारीक वाटून घ्या. ओल्या खोबऱ्याच्या वाटपाची बारीक पेस्ट करावी.
• मातीच्या भांड्यात तेल गरम करून त्यात हिंग, कढीपत्त्याची पाने आणि बारीक चिरून घेतलेला कांदा टाकून लालसर होईपर्यंत भाजा.
• त्यानंतर त्यात चवीनुसार मीठ आणि कच्ची कैरी, ओल्या खोबऱ्याचे वाटप घालून आवश्यकतेनुसार पाणी घालून मिक्स करा.
• साराला उकळी आल्यानंतर त्यात बारीक चिरून घेतलेली कोथिंबीर टाकून व्यवस्थित मिक्स करा.
• तयार आहे सोप्या पद्धतीमध्ये बनवलेले आंबटगोड कैरीचे सार.