वाटीभर रव्याचा वापर करून लहान मुलांसाठी बनवा रसाळ आंब्याचा मऊसूत केक, नोट करून घ्या झटपट तयार होणारी रेसिपी

आज आम्ही तुम्हाला सोप्या पद्धतीमध्ये आंब्याचा केक बनवण्याची कृती सांगणार आहोत. या पद्धतीने बनवलेला आंब्याचा केक चवीला अतिशय भारी लागतो. चला तर जाणून घेऊया रेसिपी.

वाढदिवस असो वा कोणतीही पार्टी प्रत्येक वेळी केक विकत आणला जातो तर काहीवेळा केक घरीच तयार केला जातो. लहान मुलांपासून ते अगदी मोठ्यांपर्यंत सगळ्यांचं केक खायला खूप जास्त आवडतो. केकचे नाव ऐकल्यानंतर मुलांच्या तोंडाला पाणी सुटते. मैदा आणि इतर पदार्थांचा वापर करून बनवलेला केक सतत खाणे, लहान मुलांच्या आरोग्यासाठी धोका निर्माण करू शकतो. मुलांसह मोठ्यांनी सुद्धा सतत मैदा असलेले पदार्थ सतत खाऊ नये. यामुळे कोलेस्ट्रॉल किंवा अपचनाच्या समस्या वाढू लागतात. म्हणूनच आज आम्ही तुम्हाला वाटीभर रव्याचा वापर करून आंब्याचा मऊसूत केक बनवण्याची सोपी रेसिपी सांगणार आहोत. या पद्धतीने बनवलेला केक लहान मुलांसह मोठ्यांना सुद्धा खूप जास्त आवडेल आणि चव सुद्धा भारी लागते. कोकणातील रसाळ हापूस आंब्याचा वापर करून बनवलेला केक चवीसोबतच शरीरासाठी सुद्धा खूप जास्त फायदेशीर ठरेल. चला तर जाणून घेऊया केक बनवण्याची सोपी कृती.(फोटो सौजन्य – pinterest)

आमरस खाऊन वैताग आला आहे? मग झटपट हापूस आंब्यांपासून बनवा Mango Stuffed Kulfi, नोट करून घ्या रेसिपी

साहित्य:

• रवा
• आंब्याचा गर
• बेकिंग सोडा
• बेकिंग पावडर
• दूध
• बदामाचे तुकडे

Recipe: उरलेल्या भातापासून बनवा क्रिस्पी मंचुरियन, नोट करा झटपट आणि चविष्ट रेसिपी

कृती:

• रसाळ हापूस आंब्याचा केक बनवण्यासाठी सर्वप्रथम, हापूस आंबे काहीवेळ पाण्यात भिजत ठेवा. त्यानंतर आंब्याच्या वरील साल काढून आतील गर काढा आणि मिक्सरच्या भांड्यात टाकून बारीक वाटून घ्या.
• मिक्सरच्या भांड्यात रवा टाकून त्याची बारीक पावडर करून घ्या. त्यानंतर पुन्हा एकदा मिक्सरच्या भांड्यात आंब्याचा गर, साखर, वेलची पावडर आणि थोडस थंड दूध घालून बारीक वाटून घ्या.
• रव्याच्या बारीक मिश्रणात तयार केलेला आंब्याचा गर, वेलची पावडर, बेकिंग सोडा, बेकिंग पावडर घालून व्यवस्थित मिक्स करून घ्या.
• केकच्या भांड्याला तूप लावून त्यात तयार केलेले आंब्याचे मिश्रण ओतून सेट करा आणि त्यावरून बदामाचे तुकडे आणि तुमच्या आवडीनुसार सुका मेवा घाला.
• ओव्हनमध्ये 170°C ठेवून पदार्थ ३० ते ४० मिनिटांपर्यंत केक बेक करून घ्या.
• तयार आहे झटपट बनवलेला मऊसूत आंब्याचा केक.