१० मिनिटांमध्ये पारंपरिक पद्धतीत बनवा आंबा खोबऱ्याची वडी,आठवडाभर टिकून राहील गोड पदार्थ

उन्हाळ्याच्या दिवसांमध्ये बाजारात आंबे मोठ्या प्रमाणावर उपलब्ध असतात. म्हणूनच आज आम्ही तुम्हाला आंबा खोबऱ्याची वडी बनवण्याची सोपी रेसिपी सांगणार आहोत. जाणून घ्या आंबा खोबऱ्याची वडी बनवण्याची सोपी रेसिपी.

उन्हाळ्याच्या दिवसांमध्ये बाजारात हापूस आंबे मोठ्या प्रमाणावर उपलब्ध असतात. हापूस आंब्यांचे नाव घेतल्यानंतर सगळ्यांच्या तोंडाला पाणी सुटते. याशिवाय या आंब्यापासून अनेक वेगवेगेळे पारंपरिक पदार्थ बनवले जातात. आमरस, आंब्याचा केक, पन्ह, चटणी, सांदण, पोळी, लाडू याशिवाय अनेक पदार्थ बनवले जातात. कोकणात वर्षाच्या बाराही महिने नारळ उपलब्ध असतात. नारळाच्या आतील खोबऱ्याचा वापर भाजी बनवताना किंवा इतर गोड पदार्थ बनवताना केला जातो. त्यामुळेच आज आम्ही तुम्हाला १० मिनिटांमध्ये तयार होणारी आंबा नारळाच्या वड्यांची सोपी रेसिपी सांगणार आहोत. हा पदार्थ घरातील सगळ्यांचं खूप जास्त आवडेल. याशिवाय आंब्यापासून बनवलेले पदार्थ चवीला अतिशय सुंदर लागतात. गोड पदार्थ सगळ्यांचं घरांमध्ये आवडीने खाल्ले जातात. चला तर जाणून घेऊया आंबा खोबऱ्याची वडी बनवण्याची सोपी रेसिपी.(फोटो सौजन्य – iStock)

कांदा लसुणचा वापर न करता भंडारा स्टाईलने बनवा काळ्या चण्यांची चविष्ट भाजी, लहान मुलं खातील आवडीने

साहित्य:

• हापूस आंबा
• डेसिकेटेड कोकोनट
• साखर
• वेलची पावडर
• फुल्ल क्रीम दूध

उष्माघाताच्या समस्येपासून आराम मिळवण्यासाठी सोप्या पद्धतीमध्ये घरी बनवा आंबटगोड जलजिरा, नोट करा रेसिपी

कृती:

• आंबा खोबऱ्याची वडी बनवण्यासाठी सर्वप्रथम, कढईमध्ये दूध गरम करण्यासाठी ठेवा. कढईमधील दुधाला उकळी आल्यानंतर गॅस मंद आचेवर ठेवा.
• मिक्सरच्या भांड्यात वाटीभर खोबर आणि दूध घालून बारीक वाटून घ्या. तयार करून घेतलेले मिश्रण कढईमधील दुधात घालून मिक्स करा.
• मिक्स करून झाल्यानंतर त्यात वेलची पावडर आणि साखर घालून पूर्ण विरघळेपर्यंत सतत ढवळत राहा.
• सगळ्यात शेवटी आंब्याचा गर टाकून मिश्रण घट्टसर करून व्यवस्थित मिक्स करा.
• मोठ्या ताटाला तूप लावून त्यात तयार केलेले मिश्रण सगळीकडे पसरवून घ्या. पसरवून थंड झाल्यानंतर सुरीच्या साह्याने तुम्हाला हवे तसे तुकडे करा.
• तयार आहे सोप्या पद्धतीमध्ये बनवलेली आंबा खोबऱ्याची चवदार वडी.