कांदा लसुणचा वापर न करता भंडारा स्टाईलने बनवा काळ्या चण्यांची चविष्ट भाजी, लहान मुलं खातील आवडीने

रोजच्या डब्यात नेहमीच काय भाजी बनवावी? असे अनेक प्रश्न महिलांना सतत पडतात. अशावेळी तुम्ही सोप्या पद्धतीमध्ये काळ्या चण्यांची भाजी बनवू शकता. चला तर जाणून घेऊया काळ्या चण्याची भाजी बनवण्याची सोपी रेसिपी.

कांदा लसुणचा वापर न करता भंडारा स्टाईलने बनवा काळ्या चण्यांची चविष्ट भाजी

Follow Us:

Follow Us:

रोजच्या डब्यात लहान मुलांना नेहमी नेहमी काय खायला द्यावं, असा प्रश्न सर्वच पालकांना पडतो. याशिवाय घरातील इतर सदस्यांच्या डब्यात नेमकी काय भाजी बनवावी? असे प्रश्न महिलांना सतत पडतात. नेहमीच हिरव्या पालेभाज्या किंवा फळ भाज्या खाऊन कंटाळा आल्यानंतर काहींना काही नवीन आणि चटपटीत पदार्थ खाण्याची सगळ्याच इच्छा होते. अशावेळी तुम्ही सोप्या पद्धतीमध्ये भंडारा स्टाईलने काळ्या चण्यांची चविष्ट भाजी बनवू शकता. काळे चणे आरोग्यासाठी अतिशय पौष्टिक आहे. यामध्ये असलेले गुणकारी घटक आरोग्यासाठी अतिशय प्रभावी ठरतात. काळ्या चण्यांची सुखी भाजी अगदी लहान मुलांपासून मोठ्यांपर्यंत सगळ्यांचं खूप आवडेल. चला तर जाणून घेऊया काळ्या चण्यांची चविष्ट भाजी बनवण्याची सोपी रेसिपी.(फोटो सौजन्य – iStock)

मिक्सर किंवा इतर कोणत्याही भांड्याचा वापर न करता १० मिनिटांमध्ये बनवा चविष्ट आमरस आमरस, नोट करा रेसिपी

साहित्य:

• काळे चणे
• पाणी
• आलं लसूण पेस्ट
• तूप
• लाल तिखट
• हळद
• जिऱ्याची पावडर
• काळीमिरी पावडर
• कोथिंबीर
• हिंग
• आमचूर पावडर

जेवणाची चव वाढवण्यासाठी झटपट बनवा चटकदार कैरी टोमॅटोची चटणी, नोट करून घ्या कुणाल कपूर यांनी सांगितलेली रेसिपी

कृती:

• काळ्या चण्यांची चविष्ट भाजी बनवण्यासाठी सर्वप्रथम, काळे चणे स्वच्छ साफ करून कोमट पाण्यात रात्रभर भिजत ठेवा. त्यानंतर त्यात अर्धा चमचा मीठ घाला.
• सकाळी चण्यांमधील पाणी काढून घ्या. कुकरच्या भांड्यात चणे घेऊन त्यात आवश्यकतेनुसार पाणी घालून कुकरच्या शिट्ट्या काढून घ्या.
• मोठ्या वाटीमध्ये लाल तिखट, हळद, आमचूर पावडर, जिऱ्याची पावडर, हिंग आणि काळीमिरी पावडर घेऊन मिक्स करा.
• कढईमध्ये तूप गरम करून त्यात जिरं आणि हिंग टाकून मिक्स करा. नंतर त्यात आलं लसूण आणि मिरची पेस्ट टाकून मिक्स करा.
• त्यानंतर त्यात मसाले टाकून मिक्स करा. त्यानंतर त्यात शिजवून घेतलेले काळे चणे टाकून मिक्स करा.
• चणे शिजल्यानंतर त्यात चवीनुसार मीठ टाकून वरून कोथिंबीर टाका. तयार आहे सोप्या पद्धतीमध्ये बनवलेली काळ्या चण्याची भाजी.

Web Title: How to make black chana bhaji at home simple food recipe bhandara style recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com