संकष्टी चतुर्थीच्या नैवेद्यात बनवा आंब्याच्या रसातील उकडीचे मोदक! नोट करून घ्या मोदक बनवण्याची पारंपरिक रेसिपी

लहान मुलांपासून ते अगदी मोठ्यांपर्यंत सगळ्यांचं आंबे खायला खूप आवडतात. त्यामुळे आंब्याच्या रसाचा वापर करून तुम्ही आंब्याचे मोदक बनवू शकता. जाणून घ्या आंब्याचे मोदक बनवण्याची सोपी रेसिपी.

संकष्टी चतुर्थीच्या नैवेद्यात बनवा आंब्याच्या रसातील उकडीचे मोदक!

Follow Us:

Follow Us:

प्रत्येक महिन्यातून एकदा संकष्टी चतुर्थी येते. यादिवशी गणपती बाप्पाची मनोभावे पूजा करून गोड पदार्थांचा नैवेद्य बाप्पाला दाखवला जातो. याशिवाय संकष्टीच्या दिवशी गणपती मंदिरांमध्ये मोठी गर्दी असते. यादिवशी अनेक महिलांसह पुरुष सुद्धा उपवास करतात. उपवास करून बाप्पाची मनोभावे पूजा केली जाये. संकष्टीच्या दिवशी अनेक घरांमध्ये मोदक बनवले जाते. याआधी तुम्ही उकडीचे मोदक, पुरणाचे मोदक, रव्याचे मोदक इत्यादी वेगवेगळ्या प्रकारचे मोदक खाल्ले असतील मात्र आज आम्ही तुम्हाला आंब्याच्या रसातील चविष्ट मोदक बनवण्याची सोपी रेसिपी सांगणार आहोत. उन्हाळ्याच्या दिवसांमध्ये बाजारात मोठ्या प्रमाणात आंबे उपलब्ध असतात. लहान मुलांपासून ते अगदी मोठ्यांपर्यंत सगळ्यांचं आंबे खायला खूप आवडतात. चला तर जाणून घ्या आंब्याच्या रसातील मोदक बनवण्याची सोपी रेसिपी.(फोटो सौजन्य – iStock)

साहित्य:

• आंब्याचा रस
• तांदळाचे पीठ
• किसलेलं ओलं खोबरं
• गूळ
• वेलची पावडर
• खसखस
• जायफळ पावडर
• तूप
• मीठ
• बारीक तुकडे केलेले काजू बदाम

कृती:

• आंब्याच्या रसातील मोदक बनवण्यासाठी सर्वप्रथम, कढईमध्ये तूप टाकून त्यात किसून घेतलेलं ओलं खोबर टाकून व्यवस्थित भाजा.
• त्यानंतर त्यात गूळ आणि २ किंवा ३ चमचे आंब्याचा रस टाकून मिक्स करा.
• आंब्याच्या रसात खोबरं व्यवस्थित मिक्स झाल्यानंतर त्यात वेलची पावडर, जायफळ पावडर आणि खसखस टाकून व्यवस्थित मिक्स करून घ्या.
• पुन्हा एकदा दुसऱ्या कढईमध्ये एक वाटी पाणी गरम करून त्यात आंब्याचा रस आणि तांदळाचे पीठ टाकून व्यवस्थित मिक्स करा.
• त्यानंतर त्यात चवीनुसार मीठ टाकून तांदळाच्या पिठाला वाफ काढा. पीठ थंड झाल्यानंतर व्यवस्थित मऊसर पीठ मळून घ्या.
• मोदक बनवताना सर्वप्रथम, तांदळाच्या पिठाचा छोटा गोळा घेऊन पारी तयार करा. त्यानंतर त्यात ओल्या खोबऱ्याचं सारण भरून
• नंतर मोदकाच्या नाजूक कळ्या पाडा आणि वाफवण्यासाठी मोदक गॅसवर ठेवा.
• तयार आहेत सोप्या पद्धतीमध्ये बनवलेले आंब्याच्या रसातील चविष्ट मोदक.

Web Title: How to make mango modak at home mango recipe cooking tips sankashti chaturthi special recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com