सकाळच्या नाश्त्यासाठी झटपट बनवा मटार तीळ चिला, पदार्थ पाहून मुलं होतील खुश

सकाळच्या नाश्त्यात नेहमी नेहमी काय बनवावं? असा प्रश्न सर्वच महिलांना पडतो. अशावेळी तुम्ही सोप्या पद्धतीमध्ये मटार तीळ चिला बनवू शकता. हा पदार्थ कमीत कमी साहित्यामध्ये झटपट तयार होतो. चला तर जाणून घेऊया रेसिपी.

सकाळी उठल्यानंतर पोटभर नाश्ता करणे आरोग्याच्या दृष्टीने अतिशय फायदेशीर आहे. सकाळी पोटभर नाश्ता केल्यामुळे संपूर्ण दिवस आनंद आणि उत्साहामध्ये जातो. शिवाय यामुळे आरोग्याला अनेक फायदे होतात. सकाळच्या नाश्त्यात अनेक घरांमध्ये पोहे, उपमा, शिरा, इडली इत्यादी ठराविक पदार्थ बनवले जातात. मात्र नेहमी नेहमी तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये नाश्त्यासाठी मटार तीळ चिला बनवू शकता. हा पदार्थ कमीत कमी साहित्यामध्ये झटपट तयार होतो. थंडीच्या दिवसांमध्ये बाजारात मोठ्या प्रमाणावर मटार उपलब्ध असतात. शिवाय तीळ खाल्यामुळे शरीराला उष्णता मिळते. त्यामुळे या दोन्ही पदार्थांचे एकत्र सेवन केल्यास आरोग्याला अनेक फायदे होतील. सकाळी पोटभर नाश्ता केल्यामुळे दुपारी लवकर भूक लागत नाही. चला तर जाणून घेऊया मटार तीळ चिला बनवण्याची सोपी रेसिपी.(फोटो सौजन्य – iStock)

नवनवीन रेसिपीसाठी इथे किल्क करा

साहित्य:

• हिरवे मटार
• लसूण
• हिरव्या मिरच्या
• ताक
• मीठ
• आलं
• उडीद डाळ
• चणा डाळ कढीपत्ता
• तीळ
• रवा

नवनवीन रेसिपीसाठी इथे किल्क करा

कृती:

• मटार चिला बनवण्यासाठी सर्वप्रथम, मिक्सरच्या भांड्यात मटार, आलं, लसूण, हिरवी मिरची, कोथिंबीर, ताक घालून बारीक पेस्ट तयार करा
• त्यानंतर त्यात रवा आणि चवीनुसार मीठ टाकून पुन्हा एकदा मिक्सरमधून बारीक पेस्ट बनवून घ्या.
• तयार केलेले पीठ बाऊलमध्ये काढून 10ते 15 मिनिटं बाजूला ठेवून द्या.
• त्यानंतर कढई गरम करून त्यात तेल उडीद डाळ, चणा डाळ, पांढरे तीळ आणि मोहरी टाकून व्यवस्थित भाजून घ्या.
• तयार केलेली फोडणी मिक्सरमधून वाटून झाल्यानंतर मटारच्या मिश्रणात टाकून मिक्स करून घ्या.
• पॅन गरम करण्यासाठी ठेवून त्यावर तेल टाकून सगळीकडे पसरवून घ्या. पॅन गरम झाल्यानंतर त्यावर तयार केलेल्या मिश्रणाचा चिला बनवून दोन्ही बाजूने भाजून घ्या.
• तयार आहे सोप्या पद्धतीमध्ये बनवलेला मटार तीळ चिला. हा पदार्थ तुम्ही हिरव्या चटणीसोबत खाऊ शकता.