नेहमीच विकतचे आईस्क्रीम आणून खाण्यापेक्षा घरीच बनवा गारेगार मटका कुल्फी,कडाक्याच्या उन्हाळ्यात शरीराला मिळेल थंडावा

वाढत्या उन्हाळ्यात कायमचं विकतचे आईस्क्रीम आणून खाण्यापेक्षा घरी सोप्या पद्धतीमध्ये मटका कुल्फी तुम्ही बनवू शकता. हा पदार्थ चवीला अतिशय सुंदर लागेल. जाणून घ्या रेसिपी.

राज्यासह संपूर्ण देशभरात कडाक्याचे ऊन वाढले आहे. कडक उन्हात कुठेही बाहेर जाऊन आल्यानंतर जीव कासावीस होऊन जातो. सतत येणाऱ्या घामामुळे थकवा, अशक्तपणा वाढण्याची शक्यता असते. अशावेळी बाहेर कुठेही गेल्यानंतर शरीरात थंडावा टिकून राहण्यासाठी आईस्क्रीम आणून खाल्लेले जाते. लहान मुलांपासून ते अगदी मोठ्यांपर्यंत सगळ्यांचं आईस्क्रीम खायला खूप जास्त आवडते. पण नेहमीच विकतचे आईस्क्रीम आणून खाण्यापेक्षा घरी बनवलेले आईस्क्रीम खावे. म्हणूनच आज आम्ही तुम्हाला सोप्या पद्धतीमध्ये गारेगार मटका कुल्फी बनवण्याची सोपी रेसिपी सांगणार आहोत. ही मटका कुल्फी तुम्ही घरी आलेल्या पाहुण्यांच्या स्वागतासाठी किंवा लहान मुलांसाठी झटपट बनवू शकता. कडक उन्हाळ्यात जर गारेगार मटका कुल्फी खाण्यास मिळाली तर सगळ्यांचं खूप जास्त आनंद होईल. बऱ्याचदा आईस्क्रीम खाण्याची इच्छा झाल्यानंतर ते विकत आणून खाल्लेले जाते. सुका मेवा आणि इतर वेगवेगळ्या पदार्थांचा वापर करून बनवलेला पदार्थ खाल्ल्यानंतर सगळेच तुमचे कौतुक करतील. चला तर जाणून घेऊया रेसिपी.(फोटो सौजन्य – AI)

गुढीपाडव्यानिमित्त पारंपरिक पद्धतीमध्ये घरी बनवा कडुलिंबाची चटणी, रोगप्रतिकारशक्ती वाढवणारा शक्तिशाली पदार्थ

साहित्य:

• दूध
• काजू
• बदाम
• पिस्ता
• वेलची पावडर
• साखर
• फॉईल पेपर

गुढीपाडवा सणाचा गोडवा वाढवण्यासाठी सोप्या पद्धतीमध्ये घरीच बनवा बदाम केशर श्रीखंड, नोट करून घ्या रेसिपी

कृती:

• थंडगार मटका कुल्फी बनवण्यासाठी, कढईमध्ये दूध गरम करण्यासाठी ठेवा. दुधाला उकळी आल्यानंतर चमच्याने सतत दूध ढवळत राहा.
• मिक्सरच्या भांड्यात काजू, बदाम आणि पिस्ता एकत्र करून बारीक पावडर करून घ्या.
• तयार केलेली पावडर दुधात मिक्स करून घ्या. त्यानंतर चमच्याने सतत मिक्स करत राहा. यामुळे दूध कढईला चिकटणार नाही.
• पॅन गरम करून त्यात साखर घालून मिक्स करा. साखर पूर्णपणे विरघळल्यानंतर तयार केलेल्या दुधात साखर मिक्स करा.
• तयार केलेले मिश्रण घट्ट झाल्यानंतर त्यात काजू, बदामाचे तुकडे टाकून मिक्स करून घ्या.
• त्यानंतर तयार केलेले मिश्रण छोट्या छोट्या मटक्यांमध्ये भरून फ्रिजमध्ये सेट होण्यासाठी ठेवा.
• तयार आहे सोप्या पद्धतीमध्ये बनवलेली गारेगार मटका कुल्फी.