गुढीपाडव्यानिमित्त पारंपरिक पद्धतीमध्ये घरी बनवा कडुलिंबाची चटणी, रोगप्रतिकारशक्ती वाढवणारा शक्तिशाली पदार्थ
हिंदू नवीन वर्षाची सुरुवात गुढीपाडवा सणापासून होते. यंदाच्या वर्षी १९ मार्चला गुढीपाडवा आहे. चैत्र शुद्ध प्रतिपदेच्या दिवशी पाडाव सण साजरा केला जातो. यादिवशी घरात गुढी उभारून विधिवत पूजा केली जाते आणि गुढीला गोड पारंपरिक पदार्थांचा नैवेद्य दाखवला जातो. तसेच घरात कडुलिंबाची चटणी सुद्धा बनवली जाते. कडुलिंबाच्या पानांचे सेवन केल्यामुळे शरीरातील जळजळ कमी होते, यकृताचे आरोग्य, हृदय व रक्तवाहिन्यासंबंधी आरोग्य, दृष्टी आणि रोगप्रतिकारशक्ती सुधारण्यासाठी मदत होते. आपल्यातील अनेकांना कडुलिंबाची पाने खायला अजिबात आवडत नाही. अशावेळी तुम्ही कडुलिंबाच्या पानांची चटणी बनवून मुलांना खाण्यास देऊ शकता. कडुलिंबाचे पाने चावून खाल्ल्यास शरीरातील विषारी घाण बाहेर पडून जाते आणि गुळामधील लोह, जस्त आणि सेलेनियम युक्त घटक शरीरासाठी खूप जास्त फायदेशीर आहे. त्यामुळे गुढीपाडव्याच्या दिवशी आवर्जून कडुलिंब गुळाची चटणी बनवून खावी. चला तर जाणून घेऊया रेसिपी.(फोटो सौजन्य – istock)
Summer Special : सीजनच्या कैऱ्या आल्या बाजारात, वेळ कसली पाहता आजच घरी बनवा आंबट-गोड चवीचा ‘मुरांबा’
