शाळेच्या डब्यासाठी स्पेशल रेसिपी! १५ मिनिटांमध्ये आप्पेपात्रात बनवा स्वादिष्ट मिनी मँगो केक

पिकलेल्या आंब्याचा वापर करून अनेक पदार्थ बनवले जातात. आज आम्ही तुम्हाला सोप्या पद्धतीमध्ये आंब्यापासून मँगो मिनी केक बनवण्याची सोपी रेसिपी सांगणार आहोत. हा पदार्थ बनवण्यासाठी अतिशय सोपा आहे.

लहान मुलांपासून अगदी मोठ्यांपर्यंत सगळ्यांचं आंबे खायला खूप आवडतात. आंबे पाहिल्यानंतर सगळ्यांच्या तोंडाला पाणी सुटते. आंब्याच्या सीझनमध्ये घरात एक पेटी तरी आंबे आणलेच जातात. आंब्यांपासून सांदण, मँगो केक, मँगो शिरा, मँगो खीर, आमरस इत्यादी अनेक पदार्थ बनवले जातात. पण आज आम्ही तुम्हाला आप्पे पात्रतामध्ये मिनी मँगो केक बनवण्याची सोपी रेसिपी सांगणार आहोत. नेहमीच वाढदिवस किंवा इतर कोणत्याही पार्टीच्या निमित्ताने बाजारातून विकत केक आणला जातो. पण वाटत विकतचा केक आणून खाण्यापेक्षा तुम्ही आप्पे पत्राचा वापर करून केक बनवू शकता. केक बनवण्यासाठी ओव्हन किंवा मायक्रोव्हेवचा वापर केला जातो. पण घाईगडबडीमध्ये मुलांच्या डब्यासाठी जर तुम्हाला मिनी केक बनवण्याचा असेल तर तुम्ही आप्प्याच्या भांड्याचा वापर करू शकता. चला तर जाणून घेऊया मँगो मिनी केक बनवण्याची सोपी रेसिपी.(फोटो सौजन्य – iStock)

सकाळच्या नाश्त्यात १० मिनिटांमध्ये बनवा ब्लुबेरी स्मूदी, वाढलेले वजन झपाट्याने होईल कमी

साहित्य:

• आंब्याचा गर
• दूध
• पिठीसाखर
• तेल
• मैदा
• बेकिंग सोडा, पावडर
• खाण्याचा पिवळा रंग
• लिंबाचा रस

१० मिनिटांमध्ये झटपट बनवा कुरकुरीत स्वादिष्ट ब्रेड टिक्की, लहान मुलांसह मोठ्यांही आवडेल पदार्थ

कृती:

• मँगो मिनी केक बनवण्यासाठी सर्वप्रथम, मोठ्या वाटीमध्ये दूध, पिठीसाखर, आंब्याचा पल्प, तेल घेऊन चमच्याच्या साहाय्याने व्यवस्थित मिक्स करून घ्या.
• त्यानंतर त्यात तुमच्या आवडीनुसार चिमूटभर खाण्याचा रंग टाका आणि लिंबाचा रस घालून व्यवस्थित मिक्स करून घ्या.
• तयार केलेल्या मिश्रणात चाळून घेतलेला मैदा, बेकिंग पावडर व बेकिंग सोडा घालून मिक्स करा. पिठाच्या गुठळ्या मोडून घ्या.
• केक बनवण्यासाठी आप्पे पात्र गरम करण्यासाठी ठेवा. आप्पे पात्र गरम झाल्यानंतर त्यात तेल घालून चमच्याने तयार केलेले मिश्रण घालून दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेले मँगो मिनी केक. हा केक घरातील सगळ्यांना नक्कीच आवडेल.