कडाक्याच्या थंडीत जेवणासोबत खाण्यासाठी झटपट बनवा मिक्स भाज्यांचे लोणचं, आंबटगोड चवीचा पारंपरिक पदार्थ

जेवणाच्या ताटात लोणचं असेल तर चार घास जास्त जातात. म्हणूनच आज आम्ही तुम्हाला मिक्स भाज्यांचे लोणचं बनवण्याची सोपी रेसिपी सांगणार आहोत. हा पदार्थ झटपट तयार होतो.

लहान मुलांपासून अगदी मोठ्यांपर्यंत सगळ्यांचं लोणचं खायला खूप जास्त आवडतं. आंबट तिखट लोणचं चवीला अतिशय सुंदर लागत. याशिवाय लोणच्यांचं नाव ऐकल्यानंतर सगळ्यांच्या तोंडाला पाणी सुटते. कैरीचे लोणचं, हिरव्या मिरचीचे लोणचं, करवंद लोणचं, लिंबू लोणचं इत्यादी अनेक वेगवेगळ्या प्रकारची लोणचं बनवली जातात. लोणचं हा साठवणीतील पदार्थ असून वर्षभर व्यवस्थित टिकून राहतो. थंडीच्या दिवसांमध्ये बाजारात ताज्या भाज्या उपलब्ध असतात. गाजर, मूळा, फुलकोबी, हिरवी मिरची, मटार इत्यादी भाज्या सगळेच आवडीने खातात. आज आम्ही तुम्हाला पारंपरिक पद्धतीमध्ये मिक्स भाज्यांचे लोणचं बनवण्याची सोपी रेसिपी सांगणात आहोत. लहान मुलं कायमच भाज्या खाण्यास नकार देतात. अशावेळी तुम्ही मुलांना वेगवेगळ्या पदार्थांमधून भाज्या खाण्यास देऊ शकता. चला तर जाणून घेऊया मिक्स भाज्यांचे लोणचं बनवण्याची सोपी कृती.(फोटो सौजन्य – pinterest)

Recipe : गोड खा पण शुगरची चिंता सोडा, विनसाखर अशाप्रकारे बनवा ‘रताळ्याचा हलवा’

साहित्य:

• मटार
• गाजर
• फ्लॉवर
• मीठ
• साखर
• लोणचं मसाला
• लाल तिखट
• गूळ
• मोहरी
• मेथी दाणे
• हळद
• हिंग
• तेल

जेवणात तोंडी लावण्यासाठी १० मिनिटांमध्ये झटपट बनवा काठीयावाडी लसूण चटणी, नोट करून घ्या झणझणीत रेसिपी

कृती:

• मिक्स भाज्यांचे लोणचं बनवण्यासाठी सर्वप्रथम, सर्व भाज्या स्वच्छ साफ करून मध्यम आकारात चिरून घ्या. भाज्या जास्त बारीक कापू नये.
• मोठ्या भांड्यात पाणी घेऊन त्यावर तुरटी फिरवून घ्या. पाण्यात भाज्या घालून स्वच्छ धुवा. यामुळे भाजीमधील विषाणू नष्ट होऊन जातील.
• धुवून घेतलेल्या भाज्या कॉटनच्या कपड्यावर ओतून पाणी नितळवुन घ्या. भाज्या वाटीमध्ये काढून त्यात मीठ, किसून घेतलेले गूळ, लाल तिखट, हिंग आणि हळद घालून व्यवस्थित मिक्स करा.
• भांड्यात तेल गरम करण्यासाठी ठेवा. गरम तेलात मोहरी, मेथीचे दाणे, हिंग, हळद घालून फोडणी भाजा. भाजून घेतलेली फोडणी भाज्यांच्या मिश्रणावर ओतून मिक्स करा.
• तयार केलेले लोणचं काचेच्या बरणीमध्ये भरून ठेवा. ३ ते ४ दिवस लोणचं मसाल्यांमध्ये मुरल्यानंतर भात किंवा चपाती, भाकरीसोबत खाऊ शकता.
• तयार आहे सोप्या पद्धतीमध्ये बनवलेले मिक्स भाज्यांचे आंबटगोड लोणचं.