संध्याकाळच्या नाश्त्यासाठी झटपट बनवा लहान मुलांच्या आवडीचा मिक्स सॉस पास्ता, पदार्थाला लागेल भन्नाट चव

संध्याकाळच्या नाश्त्यात भूक लागल्यानंतर चमचमीत पदार्थ खाण्याची इच्छा खाल्यास तुम्ही मिक्स सॉस पास्ता बनवू शकता. लहान मुलांपासून अगदी मोठ्यांपर्यंत सगळ्यांचं पास्ता खायला खूप जास्त आवडतो.

लहान मुलांपासून अगदी मोठ्यांपर्यंत सगळ्यांचं पास्ता खायला खूप जास्त आवडतो. पास्त्याचे नाव ऐकल्यानंतर अनेकांच्या तोंडाला पाणी सुटते. संध्याकाळच्या वेळी कामावरून थकून घरी आल्यानंतर काहींना काही खाण्याची इच्छा सगळ्यांचं होते. अशावेळी बऱ्याचदा बाहेरून विकत आणलेले पदार्थ खाल्ले जातात. मात्र नेहमीच विकतचे तेलकट किंवा तिखट पदार्थ खाण्याऐवजी घरी बनवलेल्या हेल्दी पदार्थांचे सेवन करावे. लहान मुलांना नाश्त्यात काहींना काही चमचमीत पदार्थ लागतो. म्हणूनच आज आम्ही तुम्हाला सोप्या पद्धतीमध्ये मिक्स सॉस पास्ता बनवण्याची सोपी रेसिपी सांगणार आहोत. मसाले आणि सॉसचा वापर करून बनवलेला पास्ता चवीला अतिशय सुंदर लागतो. पास्ता बनवताना तुम्ही वेगवेगळ्या शेपमधील पास्त्याचा वापर करू शकता. यामुळे लहान मुलं सुद्धा अतिशय आवडीने पास्ता खातील. चला तर जाणून घेऊया मिक्स सॉस पास्ता बनवण्याची सोपी रेसिपी.(फोटो सौजन्य – istock)

झणझणीत जेवणाचा बेत! पारंपरिक पद्धतीने घरी बनवा चमचमीत वांग्याचं भरीत; चव अशी की सर्वजण बोटंच चाटत राहतील

साहित्य:

• पास्ता
• मीठ
• तेल
• पाणी
• लसूण
• कांदा
• टोमॅटो सॉस
• लाल तिखट
• ओरेगॅनो
• मीठ
• चीज
• शिमला मिरची
• मिरची
• काळीमिरी पावडर

काहीतरी नवीन ट्राय करायचंय? मग घरी जरूर बनवून पहा Chicken One Pot Noodles; झटपट तयार होणारी स्वादिष्ट रेसिपी!

कृती:

• मिक्स सॉस पास्ता बनवण्यासाठी सर्वप्रथम, मोठ्या टोपात पाणी गरम करून त्यात तेल आणि थोडस मीठ घालून पास्ता टाका.
• पास्ता अर्धवट शिजल्यानंतर चाळणीच्या सहाय्याने त्यातील पाणी काढून शिजलेला पास्ता बाजूला ठेवा.
• पॅनमध्ये तेल आणि बटर टाकून गरम करा. त्यात टोमॅटो कांद्याची पेस्ट घालून ५ मिनिटं शिजवून घ्या. टोमॅटोची पेस्ट शिजल्यानंतर त्यातील पाणी पूर्णपणे आटून जाईल.
• त्यानंतर त्यात लाल मिरची, काळी मिरी, ओरेगॅनो, साखर आणि मीठ घालून व्यवस्थित शिजवून घ्या. तयार केलेला सॉस हळूहळू घट्ट होईल. सॉस तयार झाल्यानंतर वाटीमध्ये काढून घ्या.
• त्याच कढईमध्ये बटर गरम करा आणि मैद्याचे पीठ टाकून भाजा. नंतर त्यात दूध आणि चीज घालून सॉस तयार करा. सॉस बनवताना त्यात अजिबात गुठळ्या ठेवू नयेत. नंतर त्यात काळीमिरी पावडर आणि ओरिगानो घालून व्यवस्थित घट्टसर शिजवा.
• मोठ्या पॅनमध्ये तेल गरम करून त्यात कांदा, शिमला मिरची आणि हिरवी मिरची घालून शिजवा.
• नंतर त्यात तयार केलेले दोन्ही सॉस घालून वरून शिजवून घेतलेला पास्ता टाकून शिजवा. तयार आहे सोप्या पद्धतीमध्ये बनवलेले मिक्स सॉस पास्ता.