सकाळच्या डब्यासाठी सोप्या पद्धतीमध्ये बनवा मिश्र भाज्यांचे सँडविच, वाचा झटपट तयार होणारी रेसिपी

सकाळच्या घाईगडबडीमध्ये डब्यासाठी किंवा नाश्त्यासाठी पदार्थ शोधत असाल तर सोप्या पद्धतीमध्ये मिश्र भाज्यांचे सँडविच नक्की बनवून पहा. हा पदार्थ कमीत कमीत साहित्यामध्ये झटपट तयार होतो. जाणून घ्या रेसिपी.

सकाळच्या घाईगडबडीमध्ये नाश्त्यासाठी किंवा डब्यासाठी नेमकं काय बनवावं? सुचत नाही. अनेक घरांमध्ये नाश्त्यासाठी कांदापोहे, उपमा, शिरा, इडली, डोसा इत्यादी पदार्थ बनवले जातात. मात्र नेहमी नेहमी तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते, अशावेळी तुम्ही सोप्या पद्धतीमध्ये मिश्र भाज्यांचे सँडविच बनवू शकता. सँडविच बनवण्यासाठी जास्त वेळ लागत नाही. कमीत कमी वेळात सँडविच तयार होते. लहान मुलांसह मोठ्यांना भाज्या खायला आवडत नाहीत. अशावेळी तुम्ही मुलांना किंवा घरातील इतरांना सँडविच बनवून खाण्यासाठी देऊ शकता. भाज्या खाल्यामुळे शरीराला आवश्यक कॅल्शियम, प्रोटीन, विटामिन मिळण्यास मदत होते. वाढलेले वजन कमी करण्यासाठी किंवा इतर समस्यांनी त्रस्त असलेलं रुग्ण सुद्धा सकाळच्या नाश्त्यासाठी भाज्यांपासून तयार केलेले सँडविच खाऊ शकता. चला तर जाणून घेऊया सोप्या पद्धतीमध्ये मिश्र भाज्यांचे सँडविच बनवण्याची सोपी कृती.(फोटो सौजन्य-istock)

नवनवीन रेसिपीसाठी इथे किल्क करा

साहित्य:

• लसूण
• शिमला मिरची
• टोमॅटो
• कांदा
• कोथिंबीर
• चीझ
• मीठ
• ब्लॅक ऑलिव्ह
• पिझ्झा सिझनिंग
• काळी मिरी पावडर
• चिली फ्लेक्स

नवनवीन रेसिपीसाठी इथे किल्क करा

कृती:

• मिश्र भाज्यांचे सॅंडविच बनवण्यासाठी सर्वप्रथम, सर्व भाज्या व्यवस्थित पाण्याने स्वच्छ धुवून घ्या. त्यानंतर बारीक चिरून घ्या.
• त्यानंतर वाटीमध्ये क्रीम चीज स्प्रेड घ्या त्यामध्ये काळी मिरपूड, चिली फ्लेक्स, पिझ्झा सिझनिंग आणि बारीक चिरून घेतलेला लसूण एकत्र मिक्स करा.
• त्यानंतर बारीक चिरून घेतलेल्या भाज्यांवर तयार केलेल्या लसूणचे मिश्रण टाकून व्यवस्थित मिक्स करा.
• ब्रेड स्लाइस घेऊन त्यावर तयार केलेले भाज्यांचे मिश्रण ठेवून वरून तुम्हाला हवे तेवढे चीज टाकून दुसऱ्या ब्रेड स्लाइसला टोमॅटो सॉस लावून त्यावर ठेवा.
• तयार आहे सोप्या पद्धतीमध्ये बनवलेले मिश्रण भाज्यांचे सॅंडविच.