हेल्दी पदार्थ खाण्याची इच्छा झाल्यास सकाळच्या नाश्त्यात बनवा Mixed vegetable soup, नोट करा रेसिपी

लहान मुलांसह मोठे देखील भाज्या खाण्यास नकार देतात. अशावेळी तुम्ही मुलांना भाज्यांचा वापर करून सूप बनवून देऊ शकता. हे सूप प्यायल्यामुळे शरीराला कॅल्शियम मिळेल. जाऊन घ्या मिक्स भाज्यांचे सूप बनवण्याची सोपी रेसिपी.

नाश्त्यामध्ये नेहमी नेहमी तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. याशिवाय सकाळच्या नाश्त्यात अनेक लोक बाहेरून विकत आणलेला डोसा, इडली किंवा इतर तिखट पदार्थ खातात. मात्र सतत त्याच पदार्थांचे सेवन करून कंटाळा आल्यानंतर तुम्ही नाश्त्यामध्ये मिक्स भाज्यांचे सूप बनवू शकता. भाज्यांचे सूप नियमित प्यायल्यास शरीराला अनेक फायदे होतात. भाज्यांमध्ये असलेले कॅल्शियम आणि इतर पोषक घटक शरीराचे कार्य सुधारतात. वेगवेगळ्या भाज्यांचा वापर करून बनवलेले सूप शरीराला ऊर्जा देतं. भाज्यांचे झेप पिऊन कामाला किंवा इतर वेळी बाहेर गेल्यास शरीरात ऊर्जा कायम टिकून राहील. मिक्स भाज्यांचे सूप तुम्ही लहान मुलांपासून ते अगदी मोठ्यांपर्यंत सगळ्यांचं खाण्यासाठी देऊ शकता. चला तर जाणून घेऊया मिक्स भाज्यांचे सूप बनवण्याची सोपी रेसिपी.(फोटो सौजन्य – iStock)

ताज्या द्राक्षांपासून मनुके कसे तयार करायचे? फार सोपी आहे पद्धत; आजच जाणून घ्या

साहित्य:

• कांदा
• गाजर
• टोमॅटो
• शिमला मिरची
• कोबी
• मक्याचे दाणे
• आलं लसूण पेस्ट
• कॉर्नफ्लोअर
• काळीमिरी पावडर
• सोया सॉस
• व्हिनेगर
• भाज्यांचे शिजवलेले पाणी
• तेल

सकाळच्या नाश्त्यासाठी सोप्या पद्धतीमध्ये बनवा कुरकुरीत डाळवडा, झटपट तयार होईल हेल्दी पदार्थ

कृती:

• मिक्स भाज्यांचे सूप बनवण्यासाठी सर्वप्रथम, भाज्या स्वच्छ धुवून बारीक चिरून घ्या. भाज्या बारीक चिरल्यामुळे सूपची चव सुंदर लागेल.
• सूप बनवण्यासाठी कढईमध्ये बटर गरम करून त्यात आले-लसूण पेस्ट घालून मिक्स करा. पेस्ट व्यवस्थित भाजून घेतल्याशिवाय कोणत्याही भाज्या टाकू नये.
• त्यानंतर त्यात कांदा, गाजर, बीन्स, सिमला मिरची, वाटाणे आणि कोबी इत्यादी भाज्या घालून २ किंवा ३ मिनिट परतून घ्या.
• भाज्यांना एक वाफ आल्यानंतर त्यात चवीनुसार मीठ आणि काळीमिरी पावडर टाकून मिक्स करा.
• भाज्या व्यवस्थित शिजल्यानंतर त्यात भाज्यांचे स्टोक टाकून उकळी काढा. १ चमचा कॉर्नफ्लोअर २ चमचे पाण्यात टाकून पातळ पेस्ट बनवा आणि सूपमध्ये ओतून घ्या.
• सगळ्यात शेवटी सूप बनवताना त्यात सोया सॉस आणि व्हिनेगर घालून व्यवस्थित मिक्स करून घ्या. तयार आहे सोप्या पद्धतीमध्ये बनवलेले मिक्स भाज्यांचे सूप.