सकाळच्या नाश्त्यासाठी सोप्या पद्धतीमध्ये बनवा कुरकुरीत डाळवडा, झटपट तयार होईल हेल्दी पदार्थ

सकाळच्या नाश्त्यासाठी तुम्ही सोप्या पद्धतीमध्ये डाळवडा बनवू शकता. हा पदार्थ बनवण्यासाठी जास्त वेळ लागत नाही. डाळवडा तुम्ही लहान मुलांना डब्यात चटणीसोबत खाण्यास देऊ शकता. जाणून घ्या डाळवडा बनवण्याची सोपी रेसिपी.

सकाळच्या नाश्त्यासाठी सोप्या पद्धतीमध्ये बनवा कुरकुरीत डाळवडा

Follow Us:

Follow Us:

लहान मुलांपासून ते अगदी मोठ्यांपर्यंत सगळ्यांचं सकाळच्या नाश्त्यात हेल्दी पदार्थ खाण्यास द्यावा. कारण सकाळच्या वेळी तेलकट किंवा तिखट पदार्थ उपाशी पोटी खाल्यामुळे शरीराला हानी पोहचते, यासोबतच पचनक्रिया बिघडून ऍसिडिटी आणि पित्ताचा त्रास होऊ लागते. या सर्व समस्या उद्भवल्यानंतर संपूर्ण दिवस खराब होण्याची शक्यता असते. त्यामुळे सकाळच्या नाश्त्यात पचनास हलका असलेला पदार्थ खावा. जगभरात साऊथ इंडियन पदार्थ खूप जास्त प्रसिद्ध आहेत. इडली, डोसा, आप्पे इत्यादी पदार्थ सगळ्यांचं खूप जास्त आवडतात. त्यामुळे आज आम्ही तुम्हाला सकाळच्या नाश्त्यासाठी सोप्या पद्धतीमध्ये डाळवडा बनवण्याची सोपी रेसिपी सांगणार आहोत. या पद्धतीने बनवलेले डाळवडे चवीला अतिशय सुंदर आणि कुरकुरीत लागतील.(फोटो सौजन्य – iStock)

दिवसाची सुरुवात करा हेल्दी पदार्थानी! सकाळच्या नाश्त्यात सोप्या पद्धतीमध्ये बनवा मुगडाळ टोस्ट

नाश्त्यामध्ये हेल्दी पदार्थांचे सेवन केल्यास दिवस आनंद आणि उत्साहामध्ये जातो. याशिवाय सकाळ सुद्धा अतिशय सकारत्मक ऊर्जांनी भरलेली असते. वाढलेले वजन कमी करण्यासाठी अनेक लोक सकाळचा नाश्ता करणे टाळतात. मात्र असे केल्यामुळे वजन आणखीनच वाढून शरीराला हानी पोहचते. चला तर जाणून घेऊया डाळवडा बनवण्याची सोपी रेसिपी.

साहित्य:

• मुगाची डाळ
• चणा डाळ
• कढीपत्ता
• खोबऱ्याचे तुकडे
• कांदा
• मीठ
• तेल
• रवा
• लाल तिखट
• हळद
• आलं लसूण पेस्ट

ताज्या द्राक्षांपासून मनुके कसे तयार करायचे? फार सोपी आहे पद्धत; आजच जाणून घ्या

कृती:

• डाळवडा बनवण्यासाठी सर्वप्रथम, चणाडाळ, मुगाची डाळ एकत्र पाण्यात भिजवत ठेवा. ५ ते ६ तास भिजल्यानंतर डाळ व्यवस्थित भिजली जाईल.
• त्यानंतर मिक्सरच्या भांड्यात भिजवलेली डाळ, कढीपत्ता, खोबऱ्याचे तुकडे, लसूण आणि हिरव्या मिरच्या टाकून जाडसर पेस्ट तयार करा.
• तयार करून घेतलेली पेस्ट वाटीमध्ये काढून त्यात लाल तिखट, बारीक चिरून घेतलेला कांदा, चवीनुसार मीठ आणि हळद टाकून मिक्स करा.
• नंतर त्यात रवा टाका. त्यानंतर तयार केलेल्या पिठामध्ये कोथिंबीर टाकून वडे बनवून घ्या.
• कढईमधील गरम तेलात डाळवडे व्यवस्थित दोन्ही बाजूने तळून घ्या.
• तयार आहे सोप्या पद्धतीमध्ये बनवलेले कुरकुरीत डाळवडे. हा पदार्थ तुम्ही सांबार किंवा चटणीसोबत खाऊ शकता.

Web Title: How to make crispy dal vada at home morning breakfast recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com