ताज्या द्राक्षांपासून मनुके कसे तयार करायचे? फार सोपी आहे पद्धत; आजच जाणून घ्या

Raisins Making Process: तुम्हाला माहिती आहे का? तुम्ही ताज्या मनुक्यांपासून घरीच चवदार असे मनुके तयार करू शकता. यासाठी फार वेळ किंवा मेहनतीची गरज नाही. द्राक्षांपासून मनुके तयार करण्याची सोपी पद्धत जाणून घ्या.

(फोटो सौजन्य:Pinterest)

Follow Us:

Follow Us:

द्राक्षांचा हंगाम आता लवकरच संपणार आहे. गोड आणि ताजी द्राक्षे बाजारात उपलब्ध आहेत. आपल्या आरोग्यासाठी द्राक्षांचे सेवन फार फायद्याचे ठरू शकते. मात्र तुम्हाला माहिती आहे का? तुम्ही याच ताज्या द्राक्षांपासून चवदार असे मनुके तयार करू शकता. हे मनुके तुम्हाला अनेक महिने साठवून ठेवता येतील. आम्ही तुम्हाला सांगतो की, द्राक्षांपासून घरीच मनुके बनवण्याची पद्धत फार सोपी आणि सहज आहे. तुम्ही काळ्या किंवा हिरव्या कोणत्याही रंगाच्या द्राक्षांपासून मनुके तयार करू शकता.

गुढी पाडवा सणासाठी सोप्या पद्धतीमध्ये घरीच बनवा साखरेच्या गाठी, तयार करा साखरेची सुंदर माळ

मनुका हा व्हिटॅमिन ई आणि हेल्दी फॅटचा चांगला सोर्स आहे, अशात तुम्ही आपल्या रोजच्या आहारात याचा समावेश करू शकता. अनेकदा हे मनुके बाजारातून विकत घेतले जातात मात्र विकतच्या मनुक्यांवर पैसे खर्च करण्यापेक्षा तुम्ही घरीच झटपट हे तयार करू शकता. यासाठी फार काही मेहनत घेण्याचीही गरज नाही. चला तर मग द्राक्षांपासून मनुके तयार करण्याची सोपी पद्धत जाणून घेऊया.

वर्षानुवर्षे लिव्हरमध्ये साचलेली घाण काढून टाकतो हा हिरवा ज्यूस, वेट लॉससाठी फायदेशीर; कसे बनवायचे ते जाणून घ्या

अशाप्रकारे द्राक्षांपासून घरीच बनवा मनुके

• द्राक्षे पासून मनुके तयार करण्यासाठी, सर्वप्रथम रसाळ, ताजी द्राक्षे खरेदी करा
• ही द्राक्षे 2-3 वेळा स्वच्छ पाण्याने स्वच्छ धुवा, आता द्राक्षाचे सर्व देठ काढून वेगळे करा
• आता इडली कुकरमध्ये थोडे पाणी टाकून गॅसवर गरम करण्यासाठी ठेवा. इडलीच्या साच्यात जमेल तेवढी द्राक्षे ठेवा
• आता कुकरमध्ये साचा सेट करा आणि द्राक्षे हलकी पिवळी आणि मऊ होईपर्यंत वाफेवर शिजवा. हे करण्यासाठी तुम्हाला 5 मिनिटे लागतील
• आता सर्व द्राक्षे एका भांड्यात काढून स्वच्छ कपडा उन्हात पसरवा. तुम्हाला हवे असल्यास तुम्ही कापडाखाली वर्तमानपत्रही ठेवू शकता. आता सर्व द्राक्षे थोड्या अंतराने वेगळी करा आणि उन्हात वाळवण्यासाठी सोडा
• द्राक्षे सुकायला वेळ लागतो. द्राक्षांचे मनुक्यात रूपांतर होण्यासाठी साधारण 2-3 दिवस लागतात. आपल्याला
• दररोज कडक सूर्यप्रकाशात द्राक्षे वाळवावी लागतील अतिशय ताजे आणि पिवळ्या रंगाचे मनुके तीन दिवसात तयार होतील
• हे मनुके तुम्ही कोणत्याही डिशमध्ये वापरू शकता
• तुटलेली द्राक्षे कमी किमतीत विकत घ्या आणि ताजी मनुका बनवण्यासाठी वापरा. तयार मनुका एका काचेच्या
• बरणीत साठवा. हे मनुके फार काळ खराब होणार नाहीत

Web Title: How to make raisins from fresh grapes the method is very simple recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com