थंडीच्या दिवसांमध्ये शरीराची ऊर्जा वाढवण्यासाठी ‘या’ पद्धतीने बनवा मिक्स भाज्यांचे झणझणीत सूप, शरीरात कायम टिकून राहील ऊर्जा

थंडीच्या दिवसांमध्ये शरीराची ऊर्जा वाढवण्यासाठी सोप्या पद्धतीमध्ये तुम्ही मिक्स भाज्यांचे सूप बनवू शकता. मिक्स भाज्यांचे सूप चवीला अतिशय सुंदर लागते. जाणून घ्या मिक्स भाज्यांचे सूप बनवण्याची कृती.

हिवाळ्याच्या दिवसांमध्ये शरीराला उष्णतेची जास्त आवश्यकता असते. कारण सतत होणाऱ्या वातावरणातील बदलांचा परिणाम आरोग्यावर लगेच दिसून येतो. त्यामुळे आहारात भाज्यांचे सेवन करावे. भाज्यांच्या सेवनामुळे शरीराला आवश्यक घटक आणि पोषण मिळते. वेगवेगळ्या भाज्यांमध्ये असलेले फायबर, जीवनसत्वे, खनिजे आणि इतर पोषक घटक आरोग्यासाठी प्रभावी ठरतात. त्यामुळे सकाळच्या नाश्त्यात किंवा इतर भूक लागल्यानंतर सूप प्यावे. सूप पचन होण्यास अतिशय हलके असते. थंडीच्या दिवसांमध्ये साथीच्या आजारांमध्ये मोठी वाढ होते. सतत जाणवणाऱ्या सर्दी, खोकल्यामुळे आरोग्य पूर्णपणे बिघडून जाते. म्हणूनच आज आम्ही तुम्हाला सोप्या पद्धतीमध्ये मिक्स भाज्यांचे सूप बनवण्याची सोपी रेसिपी सांगणार आहोत. मिक्स भाज्यांचे सूप चवीला अतिशय सुंदर लागते. याशिवाय सूप बनवण्यासाठी जास्त वेळ सुद्धा लागत नाही. चला तर जाणून घेऊया मिक्स भाज्यांचे सूप बनवण्याची सोपी रेसिपी.(फोटो सौजन्य – istock)

बेकरीसारखा ‘लादी पाव’ घरी कसा तयार कसायचा? जाणून घ्या सोपी रेसिपी

साहित्य:

• ब्रोकोली
• गाजर
• काळीमिरी पावडर
• मीठ
• तेल
• कांदा
• लसूण
• आलं
• लिंबू
• मक्याचे दाणे
• हिरवी मिरची
• टोमॅटो

Recipe : हिवाळ्यात हा एक लाडू खाल तर संपूर्ण शरीर होईल बळकट, गुडघे, पाठ आणि सांधेदुखीपासून मिळेल आराम

कृती:

• मिक्स भाज्यांचे सूप बनवण्यासाठी सर्वप्रथम, गाजर आणि इतर सर्वच भाज्या स्वच्छ धुवून बारीक चिरून घ्या.
• कुकरच्या भांड्यात तुकडे करून घेतलेला गाजर, भोपळा, ब्रोकोली, मक्याचे दाणे, टोमॅटो आणि कांदा घालून मिक्स करा. त्यानंतर त्यात एक ग्लास पाणी घाला.
• भाज्या शिजवताना त्यात काळीमिरी पावडर आणि चवीनुसार मीठ टाकावे. यामुळे पदार्थाची चव वाढेल. कुकरच्या ५ ते ६ शिट्टया करून घ्या.
• शिजवून घेतलेल्या भाज्या थंड झाल्यानंतर पाण्यासहीत त्याची पेस्ट तयार करा. पेस्ट तयार करताना त्यात कोणत्याही भाज्या अख्या ठेवू नये.
• टोपात तूप गरम करून त्यात तयार केलेली भाज्यांची पेस्ट घालून मिक्स करा आणि आवश्यकतेनुसार कोमट पाणी घाला.
• त्यानंतर त्यात बारीक चिरलेली कोथिंबीर आणि भाजून घेतलेली हिरवी मिरची घालून मिक्स करा.
• तयार आहे सोप्या पद्धतीमध्ये बनवलेले मिक्स भाज्यांचे चविष्ट सूप. हा पदार्थ तुम्ही लहान मुलांनासुध्दा खाण्यास देऊ शकता.