Raksha Bandhan 2024: रक्षाबंधनाच्या दिवशी घरी बनवा स्वादिष्ट मूग डाळ हलवा, घरातील सगळे करतील कौतुक

सणासुदीच्या दिवसांमध्ये बाजारात अनेक ठिकाणी भेसळ युक्त मिठाई विकली जाते. भेसळयुक्त मिठाई खाल्ल्याने आरोग्यसंबंधित गंभीर समस्या उद्भवण्याची शक्यता असते. त्यामुळे आज आम्ही तुम्हाला घरच्या घरी कमी कमी साहित्यामध्ये मूग डाळ कसा बनवायचा याची सोपी रेसिपी सांगणार आहोत. तुम्ही बनवलेले मूग डाळ घरातील सगळ्यांना नक्की आवडेल.

घरी बनवा स्वादिष्ट मूग डाळ हलवा

Follow Us:

Follow Us:

आज संपूर्ण देशभरात सगळीकडे रक्षाबंधन हा सण साजरा केला जाणार आहे. बहीण भावाच्या प्रेमळ नात्याचा सण सगळीकडे मोठ्या उत्साहात आणि आनंदात साजरा केला जातो. रक्षाबंधनाच्या निमित्ताने बाजारात अनेक वेगवेगळ्या प्रकारच्या मिठाई उपलब्ध झाल्या आहेत. या दिवसांमध्ये सगळीकडे भेसळयुक्त मिठाई मोठ्या प्रमाणावर विकल्या जातात. त्यामुळे यंदाच्या रक्षाबंधनला बाजारातून विकत आणलेली भेसळयुक्त मिठाई खाण्यापेक्षा घरी आलेल्या पाहुण्यांसाठी स्वादिष्ट मूग डाळ हलवा नक्की बनवून पहा. मूग डाळ हलवा बनवण्यासाठी सुद्धा सोपा असल्याने तुम्ही कमीत कमी साहित्यामध्ये मूग डाळ हलवा बनवू शकता. चला तर जाणून घेऊया मुगडाळ हलवा बनवण्याची कृती.(फोटो सौजन्य-istock)

साहित्य:

• मूग डाळ
• साखर
• तूप
• वेलची पावडर
• काजू, बदाम
• केशर

हे देखील वाचा: Raksha Bandhan 2024: रक्षाबंधनला लाडक्या भावासाठी बनवा स्पेशल काजू कतली, जाणून घ्या रेसिपी

कृती:

• मूग डाळ हलवा बनवण्यासाठी सर्वप्रथम आवश्यकतेनुसार मूग डाळ 4 तास पाण्यात भिजवून ठेवा. त्यानंतर त्यातील पाणी काढून मिक्सरमधून बारीक काढून घ्या.
• त्यानंतर अर्धा वाटी दुधामध्ये केशरच्या काड्या टाकून भिजत ठेवा.
• पॅनमध्ये किंवा कढईमध्ये तूप गरम करण्यासाठी ठेवा. तूप गरम झाल्यानंतर त्यात वारिक पेस्ट केलेली मुगडाळ टाकून तूप सुटेपर्यंत व्यवस्थित भाजून घ्या.
• डाळीचा कच्चा वास निघून गेल्यानंतर त्यात दूध आणि गरम पाणी टाकून मिक्स करून घ्या. मंद आचेवर हलवा व्यवस्थित शिजवून घ्या.
• हलवा व्यवस्थित शिजल्यानंतर त्यात काजू, बदाम आणि केशरचे दूध टाकून मिक्स करून घ्या.
• तयार आहे मुगडाळ हलवा. हलवा खाऊन घरातील सर्व व्यक्ती खुश होतील.

Web Title: How to make moong dal halwa at home raksha bandhan special recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com