सकाळच्या नाश्त्यासाठी १० मिनिटांमध्ये बनवा मुगाच्या डाळीची मऊसूत इडली, झटपट तयार होईल हेल्दी पदार्थ

सकाळच्या नाश्त्यात तुम्ही सोप्या पद्धतीमध्ये मुगाच्या डाळीची इडली बनवण्याची सोपी रेसिपी सांगणार आहोत. मुगाच्या डाळीची इडली तुम्ही लहान मुलांना डब्यात सुद्धा देऊ शकता.

सकाळच्या नाश्त्यात प्रत्येकालाच काहींना काही नवीन पदार्थ खाण्यास हवा असतो. नाश्त्यात कायमच कांदापोहे, उपमा, शिरा किंवा डोसा खाऊन सगळ्यांचं कंटाळा येतो. अशावेळी कायमच बाहेरून विकत आणलेले पदार्थ खाल्ले जातात. नेहमीच बाहेरून विकत आणलेले तेलकट किंवा तिखट पदार्थ खाणे आरोग्यासाठी चांगले नाही. म्हणूनच आज आम्ही तुम्हाला सोप्या पद्धतीमध्ये मुगाच्या डाळीची इडली बनवण्याची सोपी रेसिपी सांगणार आहोत. मुगाची डाळ सहज पचन होते. या डाळीमध्ये असलेले गुणकारी घटक आरोग्यासाठी अतिशय प्रभावी ठरतात. सकाळच्या नाश्त्यात कायमच हेल्दी आणि टेस्टी पदार्थांचे सेवन करावे. या पदार्थांच्या सेवनामुळे ऍसिडिटी किंवा अपचनाची समस्या अजिबात उद्भवत नाही. चला तर जाणून घेऊया मुगाच्या डाळीची इडली बनवण्याची सोपी रेसिपी.(फोटो सौजन्य – istock)

गिलक्याची भाजी खायला आवडत नाही? मग सोप्या पद्धतीमध्ये घरी बनवा झणझणीत गिलके फ्राय, नोट करा रेसिपी

साहित्य:

• मुगाची डाळ
• पोहे
• हिरवी मिरची
• मीठ
• आलं
• जिरं
• खाण्याचा सोडा

कुळथाची पिठी कशी बनवायची? चवीला भारी, आरोग्यालाही पौष्टिक… वासाने स्वयंपाकघरात सुटेल घमघमाट; लगेच नोट करा रेसिपी

कृती:

• मुगाच्या डाळीची इडली बनवण्यासाठी सर्वप्रथम, मुगाची डाळ स्वच्छ धुवून पाण्यात ३ ते ४ तास भिजत ठेवा.
• डाळ भिजल्यानंतर त्यातील पाणी काढून मिक्सरच्या भांड्यात डाळ काढून घ्या. त्यानंतर त्यात हिरवी मिरची, आलं, जिरं आणि भिजवलेले पोहे टाकून बारीक पेस्ट तयार करून घ्या.
• तयार केलेल्या पेस्टमध्ये चवीनुसार मीठ आणि खाण्याचा सोडा टाकून मिक्स करा आणि काहीवेळ बाजूला तसेच ठेवा.
• इडलीच्या भांड्याला तेल लावून घ्या. त्यानंतर त्यात तयार केलेले इडली बॅटर टाकून १५ ते २० मिनिटं इडली वाफवण्यासाठी ठेवा.
• तयार आहे सोप्या पद्धतीमध्ये बनवलेली मुगाच्या डाळीची इडली. इडली तुम्ही खोबऱ्याच्या चटणीसोबत खाऊ शकता.