अचानक आलेल्या पाहुण्यांच्या स्वागतासाठी १० मिनिटांमध्ये झटपट बनवा कुरकुरीत- तिखट मुगडाळ, नोट करा रेसिपी

दिवाळीनिमित्त तुम्ही घरी आलेल्या पाहुण्यांसाठी तिखट मुगडाळ बनवू शकता. हा पदार्थ बनवण्यासाठी जास्त वेळ लागत नाही. अतिशय कमी साहित्यामध्ये तुम्ही तिखट मुगडाळ बनवू शकता.

दिवाळीनिमित्त घरात अनेक गोड तिखट फराळातील पदार्थ बनवले जातात. फराळातील पदार्थ खायला सगळ्यांचं खूप जास्त आवडतात. करंजी, लाडू, चकली, शंकरपाळ्या इत्यादी अनेक पदार्थ घरी बनवले जातात. दिवाळीनिमित्त घरी पाहुण्यांना बोलावले जाते. पाहुण्यांच्या स्वागतासाठी कायमच बाहेरून ढोकळा, सामोसा किंवा कचोरी आणली जाते. पण कायमच बाहेर विकत मिळणारे पदार्थ बनवण्यापेक्षा तुम्ही सोप्या पद्धतीमध्ये घरातच तिखट कुरकुरीत मुगडाळ बनवू शकता. हा पदार्थ पाहुण्यांसुद्धा खूप जास्त आवडेल. दिवाळीमध्ये कायमच गोड पदार्थ घरी बनवले जातात. पण नेहमीच गोड पदार्थ खाऊन कंटाळा आल्यानंतर काहींना काही झणझणीत पदार्थ खाण्याची सगळ्यांचं खूप जास्त इच्छा होते. अशावेळी तिखट मुगडाळ हा अतिशय सोपा पर्याय आहे. लहान मुलांना मुगडाळ खाण्याची इच्छा झाल्यानंतर कायमच बाजारातून विकतची मुगडाळ आणून खाल्ली जाते. पण घरी बनवलेले पदार्थ आरोग्यासाठी अतिशय प्रभावी ठरतात. चला तर जाणून घेऊया मुगडाळ बनवण्याची सोपी कृती.(फोटो सौजन्य – istock)

Diwali Special Recipe: भाजणीचा वापर न करता झटपट बनवा कुरकुरीत बटर चकली, काही दिवसांमध्ये होईल फस्त

साहित्य:

• मुगडाळ
• लाल तिखट
• मीठ
• हळद
• चाट मसाला
• तेल

Diwali 2025 : यंदाच्या दिवाळीत घरी 5 पारंपरिक आणि गोड चवीचे मराठी पदार्थ बनवायला विसरू नका; फराळात हे नाही तर मजा नाही!

कृती:

• तिखट मुगडाळ बनवण्यासाठी सर्वप्रथम, मुगडाळ स्वच्छ साफ करून पाण्याने धुवून घ्या. त्यानंतर त्यातील पाणी पूर्णपणे नितळून जाण्यासाठी चाळणीमध्ये काहीवेळा ठेवा.
• डाळ पूर्णपणे कोरडी होण्यासाठी पसरवून ठेवा. यामुळे डाळ लगेच सुकून जाईल.
• कढईमध्ये तेल गरम करून त्यात डाळ टाकून मंद आचेवर भाजून घ्या. डाळ भाजताना गॅस अजिबात फास्ट करू नये. यामुळे डाळ काळी पडण्याची शक्यता असते.
• तळून घेतलेली डाळ चाळणीमध्ये ठेवा. यामुळे डाळींमधील अतिरिक्त तेल कमी होऊन जाईल.
• मोठ्या भांड्यात तळून घेतलेली डाळ ओतून मीठ, लाल तिखट, हळद आणि चाट मसाला टाकून व्यवस्थित मिक्स करून घ्या.
• तयार आहे सोप्या पद्धतीमध्ये बनवलेली तिखट मुगडाळ. हा पदार्थ घरी आलेल्या पाहुण्यांना खूप जास्त आवडेल.