लहान मुलांच्या डब्यासाठी बनवा पौष्टिक मुगाच्या डाळीचा पराठा,आरोग्याला होतील भरभरून फायदे

लहान मुलांना सकाळच्या नाश्त्यात किंवा डब्यासाठी नेमकं काय खाण्यास द्यावं? हा प्रश्न पालकांना नेहमीच पडतो. अशावेळी तुम्ही मुलांना सकाळच्या नाश्त्यात किंवा डब्यात मुगाच्या डाळीचा पराठा बनवून देऊ शकता. जाणून घ्या रेसिपी.

दैनंदिन आहारात डाळींचे सेवन केले जातात. ताटामध्ये भातावर जर डाळ नसेल तर जेवण जेवल्यासारखे वाटतं नाही. शिवाय डाळींचा वापर करून वेगवेगळे पदार्थ सुद्धा बनवले जातात. त्यामुळे दैनंदिन आहारात वेगवेगळ्या डाळींचे सेवन करावे, यामुळे आरोग्याला अनेक फायदे होतात. तूरडाळ, मुगडाळ, मसूरडाळ, उडीद डाळ इत्यादी डाळींचा वापर करून जेवणातील पदार्थ बनवले जातात. शिवाय या डाळींमध्ये भरपूर प्रमाणात कॅल्शियम आणि इतर घटक आढळून येतात. त्यातील सगळ्यात जास्त प्रमाणात वापरली जाणारी डाळ म्हणजे मूग डाळ. मुगाच्या डाळीचा वापर जेवणातील पदार्थ बनवण्यासाठी मोठ्या प्रमाणावर केला जातो. मुगाच्या डाळीमध्ये प्रथिने, पोटॅशियम, फॉस्फरस, मॅग्नेशियम, लोह, विटामिन बी-६, नियासिन, थायामिन आणि फोलेट इत्यादी अनेक घटक आढळून येतात. (फोटो सौजन्य – iStock) 

नवनवीन रेसिपीसाठी इथे किल्क करा

फायबर युक्त मुगाच्या डाळीचे सेवन केल्यामुळे पचनक्रिया निरोगी राहते. शिवाय ही डाळ पचनास अतिशय हलकी असते. त्यामुळे दैनंदिन आहारात आणि लहान मुलांच्या जेवणातील पदार्थांमध्ये या डाळीचा वापर केला जातो.पण अनेकदा लहान मुलं डाळ खाण्यास कंटाळा करतात. अशावेळी तुम्ही मुलांना सोप्या पद्धतीमध्ये मुगाच्या डाळीचा पराठा बनवून देऊ शकता. मुगाच्या डाळीमध्ये अनेक पोषक घटक आढळून येतात, जे आरोग्यासाठी अतिशय फायदेशीर आहेत. चला तर जाणून घेऊया मुगाच्या डाळीचा पराठा बनवण्याची सोपी रेसिपी.

साहित्य:

• मुगाची डाळ
• गव्हाचं पीठ
• हळद
• मीठ
• तेल
• काळे तीळ
• ओवा
• जिरं
• तूप
• पाणी

नवनवीन रेसिपीसाठी इथे किल्क करा

कृती:

• मुगाच्या डाळीचा पराठा बनवण्यासाठी सर्वप्रथम, मुगाची डाळ स्वच्छ करून पाण्याने ४ वेळा धुवून घ्या.
• धुतलेली डाळ कुकरमध्ये टाकून त्यात मुगाची डाळ, हळद, चवीनुसार मीठ घालून पाणी टाका आणि कुकरच्या 2 शिट्ट्या करून घ्या.
• ताटात गव्हाचं पीठ घेऊन त्यात काळे तीळ, जिरे, ओवा, हिंग, तेल टाकून थंड करून मॅश केलेली मुगाची डाळ मिक्स करून घ्या.
• नंतर त्यात आवश्यकतेनुसार पाणी घालून पीठ मळून घ्या. पिठाला तेल लावून काहीवेळ बाजूला ठेवा.
• पिठाचे छोटे छोटे गोळे करून पराठे लाटून घ्या आणि तव्यावर भाजण्यासाठी टाका.
• पराठा दोन्ही बाजूने भाजल्यानंतर वरून तूप लावून लहान मुलांच्या डब्यात द्या.
• तयार आहे सोप्या पध्यतीमध्ये बनवलेला मुगाच्या डाळीचा पराठा.