दिवसाची सुरुवात करा हेल्दी पदार्थानी! सकाळच्या नाश्त्यात सोप्या पद्धतीमध्ये बनवा मुगडाळ टोस्ट

सकाळच्या नाश्त्यात तुम्ही सोप्या पद्धतीमध्ये मुगाच्या डाळीचे टोस्ट बनवू शकता. मुगाची डाळ आरोग्यासाठी अतिशय पौष्टिक आणि गुणकारी आहे. चला तर जाणून घेऊया मुगाच्या डाळीचे टोस्ट बनवण्याची सोपी रेसिपी.

सकाळच्या नाश्त्यात नेहमीच कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अनेक घरांमध्ये सकाळच्या नाश्ता बाहेरून विकत आणला जातो. पण नेहमीच तेलकट किंवा पचनास जड असलेल्या पदार्थांचे सेवन करणे आरोग्यासाठी अतिशय घातक आहे. अशावेळी तुम्ही सोप्या पद्धतीमध्ये मुगडाळ टोस्ट बनवू शकता. मुगाची डाळ पचनासाठी अतिशय हलकी असते. सकाळच्या नाश्त्यात मुगाच्या डाळीचे पदार्थ खाणे आरोग्यासाठी अतिशय पौष्टिक आहे. याशिवाय सकाळच्या वेळी पोटभर नाश्ता करावा. यामुळे संपूर्ण दिवस आनंद आणि उत्साहामध्ये जातो. त्यामुळे आज आम्ही तुम्हाला सोप्या पद्धतीमध्ये मुगाच्या डाळीचे टोस्ट बनवण्याची सोपी रेसिपी सांगणार आहोत. या पद्धतीने बनवलेले टोस्ट चवीला अतिशय सुंदर लागते.(फोटो सौजन्य – iStock)

५ मिनिटांमध्ये उन्हाळ्यासाठी बनवा थंडगार आंबट-गोड-तिखट कैरीचे सरबत, शरीरात कायम राहील थंडावा

साहित्य:

• मुगाची डाळ
• टोमॅटो
• कांदा
• शिमला मिरची
• मीठ
• पाणी
• तेल
• आमचूर पावडर
• लाल तिखट

उन्हाळ्याच्या दिवसांमध्ये पारंपरिक पद्धतीने बनवा ज्वारीच्या पिठाचे थंडगार आंबील, नोट करून घ्या रेसिपी

कृती:

• मुगाच्या डाळीचे टोस्ट बनवण्यासाठी, ४ ते ५ तास पाण्यात भिजत ठेवलेली मुगाची डाळ मिक्सरच्या भांड्यात टाकून वाटून घ्या.
• त्यानंतर त्यात आलं, लसूण, हिरवी मिरची घालून पुन्हा एकदा बारीक करून घ्या.
• वाटीमध्ये मुगाच्या डाळीची पेस्ट टाकून त्यात बारीक चिरून घेतलेला कांदा, टोमॅटो, लाल तिखट, चवीनुसार मीठ घालून मिक्स करून घ्या.
• नंतर त्यात कोथिंबीर, मीठ, आमचुर पावडर, लाल तिखट, हिंग, चिली फ्लेक्स टाकून मिक्स करा.
• ब्रेडचे चौकोनी तुकडे करून त्यावर मुगाच्या डाळीचे मिश्रण लावून तव्यातील गरम तेलात दोन्ही बाजूने भाजून घ्या.
• तयार आहे सोप्या पद्धतीमध्ये बनवलेले मुगाच्या डाळीचे टोस्ट.