वजन होईल झपाट्याने कमी! सकाळच्या नाश्त्यात बनवा शेवग्याच्या पानांचे धिरडे, पौष्टिक पदार्थाने करा दिवसाची सुरुवात

शेवग्याच्या पानांचे शरीराला भरमसाट फायदे होतात. त्यामुळे वाढलेले वजन कमी करताना सकाळच्या नाश्त्यात शेवग्याच्या पानांचे धिरडे किंवा चिल्ला बनवू शकता. चला तर जाणून घेऊया रेसिपी.

वजन वाढल्यानंतर ते कमी करण्यासाठी अनेक लोक तासनतास जिम, महागडे डाएट, सप्लिमेंट्स इत्यादी अनेक गोष्टी फॉलो केल्या जातात. दैनंदिन आहारात सतत होणाऱ्या बदलांच्या परिणामामुळे वजन झपाट्याने वाढते. पोटावर किंवा मांड्यावर अनावश्यक चरबीचा घेर वाढू लागल्यामुळे शरीराचा आकार बदलून जातो. अशावेळी वेगवेगळ्या सप्लिमेंटचे सेवन केले जाते. त्याऐवजी घरगुती पदार्थांचे सेवन करावे. म्हणूनच आज आम्ही तुम्हाला सकाळच्या नाश्त्यासाठी शेवग्याच्या पानांपासून धिरडे बनवण्याची सोपी रेसिपी सांगणार आहोत. दैनंदिन आहारात आठवड्यातून एकदा किंवा दोनदा शेवग्याच्या पानांपासून बनवलेले धिरडे खावे. शेवग्याच्या पानांमध्ये जास्त विटामिन सी आणि दुधापेक्षा चार पट जास्त कॅल्शियम आढळून येते. बऱ्याचदा वजन कमी करताना खूप जास्त भूक लागते, तर काहीवेळा शरीरात अशक्तपणा वाढू लागतो. वजन कमी करताना तासनतास उपाशी राहिल्यामुळे वजन कमी होण्याऐवजी शरीरात खूप जास्त अशक्तपणा वाढतो. त्यामुळे सकाळी उठल्यानंतर पोटभर नाश्ता करणे आवश्यक आहे. चला तर जाणून घेऊया शेवग्याच्या पानांचे धिरडे बनवण्याची सोपी रेसिपी.(फोटो सौजन्य – istock)

मधुमेहाच्या रुग्णांसाठी उत्तम पदार्थ! साखरेचा अजिबात वापर न करता झटपट बनवा चविष्ट चिकूचा शिरा, नोट करून घ्या रेसिपी

साहित्य:

• शेवग्याची पाने
• मुगाची डाळ
• तेल
• जिरं
• लसूण पाकळ्या
• गाजर
• पनीर
• कांदा
• मका
• कोथिंबीर
• हिरवी मिरची
• काळे तीळ
• कोथिंबीर

सकाळच्या नाश्त्यात करा थंडगार पदार्थ! सोप्या पद्धतीने झटपट घरी बनवा दही पोहे, नोट करून घ्या रेसिपी

कृती:

• शेवग्याच्या पानांचे धिरडे बनवण्यासाठी सर्वप्रथम, वाटीभर शेवग्याची पाने स्वच्छ धुवून घ्या. त्यानंतर त्यातील पाणी काढून टाका.
• वाटीमध्ये दोन ते तीन चमचे मुगडाळ पाण्यात भिजत ठेवा. कढईमध्ये तेल गरम करण्यासाठी ठेवा.
• गरम तेलात जिरे, हिरवी मिरची आणि लसूण पाकळ्या लालसर करून घ्या. त्यानंतर शेवग्याची पाने घालून एक वाफ करून घ्या.
• मिक्सरच्या भांड्यात मुगडाळ, भाजलेले सर्व साहित्य, मीठ आणि बर्फाचे तुकडे घालून पेस्ट वाटून घ्या. तयार केलेल्या मिश्रणात बर्फ टाकून पेस्ट करून घ्या.
• मोठ्या वाटीमध्ये तयार केलेली पेस्ट घालून गाजर, किसलेले पनीर आणि मका, कोथिंबीर आणि काळे तीळ घालून व्यवस्थित मिक्स करा.
• तयार केलेल्या मिश्रणात चवीनुसार मीठ आणि बारीक चिरलेली कोथिंबीर घालून मिश्रण तयार करा.
• तवा गरम करून त्यावर तेल लावून घ्या. त्यानंतर तयार केलेले मिश्रण गरम तव्यावर एकसमान पसरवून घ्या. दोन्ही बाजूने धिरडं व्यवस्थित भाजल्यानंतर काढून घ्या.
• तयार आहे सोप्या पद्धतीमध्ये बनवलेले शेवग्याच्या पानांचे धिरडे.