Food Recipe: १० मिनिटांमध्ये बनवा खमंग आणि कुरकुरीत शेवगा फ्राय, गरमागरम भातासोबत लगेच चविष्ट पदार्थ

शेवग्याच्या शेंगा शरीरासाठी खूप जास्त फायदेशीर आहेत. त्यामुळे दैनंदिन आहारात आठवड्यातून दोनदा तरी शेवग्याच्या शेंगांचे सेवन करावे. चला तर जाणून घेऊया शेवग्याच्या शेंगा फ्राय बनवण्याची रेसिपी.

शेवग्याच्या शेंगा शरीरासाठी खूप जास्त फायदेशीर आहेत. यामध्ये असलेले गुणकारी घटक हाडे, केस, त्वचा आणि संपूर्ण शरीरासाठी खूप जास्त फायदेशीर ठरतात. शेवग्याच्या शेंगांचा वापर करून विविध चविष्ट पदार्थ बनवले जातात. शेंगांची भाजी, आमटी तर काहीवेळा शेंगांचा वापर करून सूप सुद्धा बनवले जाते. आठवड्यातून दोनदा किंवा तीनदा आहारात शेवग्याच्या शेंगांचे सेवन करावे. यामुळे आरोग्य सुधारते आणि शरीराला ऊर्जा मिळते. वारंवार वाढलेल्या आजारापामुळे शरीराची रोगप्रतिकारशक्ती कमकुवत झाली असेल तर आहारात शेवग्याच्या शेंगांचे सेवन करावे. आज आम्ही तुम्हाला सोप्या पद्धतीमध्ये शेवग्याच्या कुरकुरीत शेंगा फ्राय बनवण्याची सोपी रेसिपी सांगणार आहोत. या शेंगा फ्राय घरातील प्रत्येकाला खूप जास्त आवडतील आणि चव सुद्धा चांगली लागेल. जेवणाच्या ताटात प्रत्येकाला काहींना काही चमचमीत पदार्थ खाण्यास हवे असतात. अशावेळी झटपट तुम्ही शेंगा फ्राय बनवू शकता. गरमागरम डाळ भातासोबतच शेवगा फ्राय अतिशय सुंदर लागेल. चला तर जाणून घेऊया रेसिपी.(फोटो सौजन्य – pinterest)

Dhokla Recipe: घरच्या घरी झटपट बनवा मऊ-स्पॉंजी ढोकळा; फॉलो करा ‘ही’ ट्रिक, वाचा सोपी रेसिपी

साहित्य:

• शेवग्याच्या शेंगा
• रवा
• तेल
• लाल तिखट
• कोकम आगळ
• तांदळाचे पीठ
• आलं लसूण पेस्ट
• कोथिंबीर
• गरम मसाला
• मीठ

Recipe: तुम्ही कधी फणसाचे चिप्स खाल्लेत का? पारंपरिक चव आणि पौष्टिकतेचा संगम

कृती:

• शेवग्याच्या शेंगा फ्राय बनवण्यासाठी सर्वप्रथम, शेगांवरील साल काढून पाण्याने स्वच्छ धुवून घ्या.
• टोपात पाणी गरम करून शेंगाना एक उकळी काढा आणि पाण्यातून काढून घ्या. शेंगांचे पाणी भाजी किंवा आमटी बनवण्यासाठी वापरू शकता.
• शेवग्याच्या शेंगा थंड झाल्यानंतर त्यात कोकम आगळ, लाल तिखट, हळद, आलं लसूण मिरची पेस्ट, मीठ, गरम मसाला घालून व्यवस्थित मिक्स करा आणि काहीवेळ तसेच ठेवा.
  ताटात रवा, तांदळाचे पीठ, लाल तिखट आणि चवीनुसार मीठ घालून मिक्स करा. पॅन गरम करण्यासाठी ठेवा.
• मसाला लावून घेतलेल्या शेवग्याच्या शेंगा रव्याच्या मिश्रणात घोळवून मंद आचेवर फ्राय करा.
• तयार आहे सोप्या पद्धतीमध्ये बनवलेले चमचमीत शेवगा फ्राय.