गोड पदार्थ खाण्याची इच्छा झाल्यास अवघ्या २० मिनिटांमध्ये बनवा साजूक तुपातला मैसूरपाक

गोड पदार्थ खाण्याची इच्छा झाल्यास तुम्ही सोप्या पद्धतीमध्ये मैसूरपाक बनवून ठेवू शकता. हा पदार्थ कमीत कमी साहित्यामध्ये झटपट तयार होतो. चला तर जाणून घेऊया मैसूरपाक बनवण्याची सोपी कृती.

घरी आलेल्या पाहुण्यांसाठी गोड पदार्थ म्हणून बऱ्याचदा शेवयांची खीर, शिरा, लापशी किंवा तांदळाची खीर बनवली जाते. मात्र गोडाचे तेच तेच पदार्थ बनवून कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही साजूक तुपाचा वापर करून चविष्ट मैसूरपाक बनवू शकता. लहान मुलांसह ते अगदी मोठ्यांपर्यंत सगळ्यांचं मैसूरपाक खायला खूप आवडतो. बाजारात विकत मिळणाऱ्या मैसूरपाकमध्ये डालड्याचा वापर केला जातो. डालड्याच्या पदार्थांचे सेवन केल्यामुळे शरीरात कोलेस्ट्रॉल वाढण्याची भीती असते. त्यामुळे शरीराचे कोलेस्ट्रॉल वाढवणाऱ्या पदार्थांचे सेवन करू नये. म्हणूनच आज आम्ही तुम्हाला २० मिनिटांमध्ये सोप्या पद्धतीत मैसूरपाक बनवण्याची सोपी रेसिपी सांगणार आहोत. चला तर जाणून घेऊया. (फोटो सौजन्य – iStock)

होळी सणानिमित्त घरी बनवा ‘लुसलुशीत मऊ पुरणपोळी’, पारंपरिक पद्धतीने बनवा पदार्थ

साहित्य:

• तूप
• साखर
• बेसन पीठ
• पाणी

सकाळच्या नाश्त्यासाठी घाईगडबडीच्या वेळी झटपट बनवा ब्रोकोली ओट्स डोसा, नोट करून घ्या रेसिपी

कृती:

• मैसूरपाक बनवण्यासाठी सर्वप्रथम, कढई गरम करून त्यात १ वाटी बेसन टाकून मंद आचेवर लाल रंग येईपर्यंत व्यवस्थित भाजून घ्या.
• त्यानंतर पीठ थंड झाल्यावर चाळून घेऊन त्यातील गुठळ्या फोडून घ्या. बेसन व्यवस्थित मऊ झाल्यानंतर त्यात १ वाटी तूप टाकून मिक्स एकदा मिक्स करा.
• तूप टाकल्यानंतर सर्व मिश्रण व्यवस्थित पातळ करून घ्या. दुसऱ्या बाजूला टोपात साखरेचा पाक बनवण्यासाठी ठेवा.
• साखरेच्या पाण्याला उकळी आल्यानंतर साखरेचा एकतारी पाक बनवून घ्या. पाक तयार करताना त्यात योग्य प्रमाणात साखर टाकावी.
• तयार करून घेतलेल्या पाकमध्ये हळूहळू बेसन आणि तुपाचे मिश्रण हळूहळू ओतून मिक्स करा. चमचाच्या सहाय्याने मिश्रण मिक्स करून घ्या, जेणेंकरून त्यात गुठळ्या राहणार नाहीत.
• बेसनाचे मिश्रण घट्ट झाल्यानंतर खोलगट ताटाला तूप लावून त्यावर बेसनाचे मिश्रण टाकून सगळीकडे पसरवून घ्या.
• मैसूरपाक सेट झाल्यानंतर तुम्हाला हवे त्या आकारचे तुकडे पाडून खाण्यासाठी सर्व्ह करा. तयार आहे सोप्या पद्धतीमध्ये बनवलेला मैसूरपाक.