साखरेऐवजी गूळाचा वापर करून झटपट बनवा हेल्दी टेस्टी नाचणीचा हलवा, शरीराला होतील भन्नाट फायदे

कायमच रव्याचा शिरा खाऊन कंटाळा आल्यानंतर काहींना काही नवीन आणि हेल्दी पदार्थ खाण्याची इच्छा झाल्यास वाटीभर नाचणीच्या पिठापासून तुम्ही हलवा बनवू शकता. हा पदार्थ चवीसोबतच शरीरासाठी सुद्धा फायदेशीर आहे.

गोड पदार्थ खाण्याची वारंवार इच्छा झाल्यानंतर नेहमीच काय बनवावं सुचत नाही. कायमच मिठाई किंवा अतिप्रमाणात साखरेचा वापर करून बनवलेले पदार्थ खाण्याचा खूप जास्त कंटाळा येतो. अशावेळी तुम्ही नाचणीच्या पिठाचा वापर करून खमंग हलवा बनवू शकता. नाचणी शरीरासाठी खूप जास्त फायदेशीर आहे. नाचणीमध्ये भरपूर कॅल्शियम, फायबर, लोह आणि इतर आवश्यक जीवनसत्वे मोठ्या प्रमाणावर आढळून येतात. त्यामुळे आहारात नाचणीचे सेवन करावे. मधुमेहाच्या त्रासाने त्रस्त असलेले रुग्ण गोड पदार्थ खाण्यास घाबरतात. गोड पदार्थांच्या सेवनामुळे रक्तातील साखर वाढेल, अशी भीती कायमच मनात निर्माण होते. त्यामुळे गोड पदार्थ बनवताना साखरेऐवजी गुळाचा वापर करावा. गूळाच्या वापरामुळे पदार्थाची चव वाढते आणि शरीराला कोणतीही हानी पोहचत नाही. चला तर जाणून घेऊया नाचणीचा हलवा बनवण्याची सोपी रेसिपी.(फोटो सौजन्य – pinterest)

Recipe : जेवणाचा बेत खास करायचा विचार आहे? मग घरी बनवा रेस्टाॅरंट स्टाईस ‘पनीर टिक्का मसाला’, चव चाखूनच मन होईल खुश

साहित्य:

• नाचणीचे पीठ
• गूळ
• सुका मेवा
• तूप
• वेलची पावडर
• दूध
• केशर काड्या

पनीर प्रेमींसाठी मेजवानी! जेवणाची रंगत वाढवण्यासाठी १० मिनिटांमध्ये बनवा Paneer Pepper Fry, नोट करा रेसिपी

कृती:

• नाचणीचा हलवा बनवण्यासाठी सर्वप्रथम, कढईमध्ये तूप गरम करून त्यात सुका मेवा मंद आचेवर लालसर होईपर्यंत भाजा.
• त्यानंतर त्यात वाटीभर नाचणीचे पीठ घालून लालसर होईपर्यंत भाजून घ्या. यामुळे हलव्याची चव मस्त लागेल.
• दुसऱ्या कढईमध्ये दूध गरम करून त्यात तुमच्या आवडीनुसार गूळ घालून मंद आचेवर व्यवस्थित मिक्स करा. कोणताही गोड पदार्थ बनवताना साखरेऐवजी गुळाचा वापर करावा.
• भाजून घेतलेल्या पिठामध्ये तयार केलेले दुधाचे मिश्रण मिक्स करून चमच्याने सतत मिक्स करत राहा. नाचणीच्या पिठाच्या अजिबात गुठळ्या होऊन देऊ नये.
• त्यानंतर त्यात वेलची पावडर आणि सुका मेवा, केशर घातलेले दूध घालून मिक्स करा. एक वाफ आल्यानंतर गॅस बंद करून घ्या.
• तयार आहे सोप्या पद्धतीमध्ये बनवलेला नाचणीच्या पिठाचा खमंग हलवा. हा पदार्थ चवीला अतिशय सुंदर लागतो.