यंदाचा पावसाळा होईल आणखीनच स्पेशल! संध्याकाळच्या भुकेसाठी झटपट बनवा पालक मुगाची खमंग भजी

पावसाळ्याला सुरुवात झाल्यानंतर प्रत्येक घरात भजी हा पदार्थ बनवला जातो. मात्र आज आम्ही तुम्हाला पालक भजी बनवण्याची सोपी रेसिपी सांगणार आहोत. ही भजी घरातील सगळ्यांचं नक्की आवडेल.

राज्यासह संपूर्ण देशभरात पावसाचे आगमन झाले आहे. पाऊस पडल्यानंतर सगळ्यांचं काहींना काही झणझणीत आणि कुरकुरीत पदार्थ खाण्याची इच्छा होते. भजी, पकोडा, पॅटिस इत्यादी अनेक पदार्थ बनवले जातात. मात्र आज आम्ही तुम्हाला हेल्दी आणि टेस्टी पालक मुगाची भजी बनवण्याची सोपी रेसिपी सांगणार आहोत. नेहमीच कांदाभजी किंवा बटाटाभजी घरात बनवली जाते. पण सतत तेच तेच खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं होते. घरातील लहान मुलांसह मोठ्यांसुद्धा पालक खायला आवडत नाही. पण पालक भाजी आरोग्यासाठी अतिशय पौष्टिक आहे. पालक खाल्यामुळे शरीरातील रक्त वाढते, हिमोग्लोबिन वाढते याशिवाय इतरही अनेक फायदे होतात. चला तर जाणून घेऊया पालक मूग भजी बनवण्याची सोपी रेसिपी.(फोटो सौजन्य – pinterest)

मासिक पाळीच्या दिवसांमध्ये शरीरात वाढलेला थकवा दूर करण्यासाठी ‘या’ लाडूचे करा सेवन, हार्मोनल त्रास होईल दूर

साहित्य:

• पालक
• मूग
• मीठ
• कांदा
• आलं
• कोथिंबीर
• जिरं
• हळद
• धणे
• तांदळाचे पीठ

Prawns Koliwada Recipe: विकेंड स्पेशल घरी बनवा हॉटेल स्टाइल प्रॉन्स कोळीवाडा; चव चाखताच व्हाल खुश

कृती:

• पालक मुगाची भजी बनवण्यासाठी सर्वप्रथम, मुगाची डाळ पाण्यात ३ तास भिजत ठेवा. यामुळे डाळ व्यवस्थित मऊ होईल.
• मिक्सरच्या भांड्यात भिजवलेली डाळ, जिरं, आल्याचा तुकडा, धणे घालून जाडसर पेस्ट वाटून घ्या.
• त्यानंतर तयार केलेली पेस्ट मोठ्या बाऊलमध्ये काढून त्यात बारीक चिरलेला कांदा, हळद, चवीनुसार मीठ, कोथिंबीर आणि बारीक चिरून घेतलेला पालक घालून व्यवस्थित मिक्स करा.
• सगळ्यात शेवटी तयार केलेल्या मिश्रणात दोन चमचे तांदळाचे पीठ घालून मिक्स करा.
• कढईमधील गरम तेलात चमच्याने भजी सोडून व्यवस्थित तळून घ्या. तांदळाच्या पिठाचा वापर केल्यामुळे भजी कुरकुरीत लागेल.
• तयार आहे सोप्या पद्धतीमध्ये बनवलेली पालक मूग भजी.