सकाळच्या नाश्त्यामध्ये हेल्दी पदार्थ हवा आहे? मग बनवून पहा पालक पनीर डोसा

सकाळच्या नाश्त्यामध्ये सगळ्यांचं काहींना काही नवीन पदार्थ हवा असतो. तेच तेच पोहे किंवा उपमा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही नाश्त्यामध्ये पालक पनीर डोसा बनवू शकता. पालक आणि पनीर हे दोन्ही पदार्थ आरोग्यासाठी अतिशय प्रभावी आहेत. पालक आणि पनीरचे सेवन केल्यामुळे शरीराला पोषण मिळते. चला तर जाणून घेऊया पालक पनीर बनवण्याची सोपी रेसिपी.

दक्षिण भारतामध्ये इडली, डोसा, मेदुवडा इत्यादी पदार्थ खूप फेमस आहेत. हे पदार्थ भारतासह इतर देशांमध्ये सुद्धा प्रसिद्ध झाले आहेत. तांदूळ आणि उडीद डाळीपासून बनवले जाणारे पदार्थ आरोग्यासाठी खूप पौष्टिक आणि गुणकारी आहेत. पण अनेकदा सतत तोच तोच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते.अशावेळी तुम्ही पालक आणि पनीरचा वापर करून पालक पनीर डोसा बनवून शकता. हा पदार्थ चवीसाठी आणि आरोग्यसाठी सुद्धा उत्तम आहे. पालकचे सेवन केल्यामुळे शरीराला कॅल्शियम भेटते. चला तर जाणून घेऊया पालक पनीर डोसा बनवण्याची सोपी कृती.(फोटो सौजन्य-istock)

साहित्य:

• पालक
• तांदळाचे पीठ
• दही
• कोथिंबीर
• हिरव्या मिरच्या
• मीठ
• तेल
• पनीर

हे देखील वाचा:केळं खाल्ल्यानंतर लगेच पाणी का पिऊ नये माहितेय? 

कृती:

• पालक पनीर डोसा बनवण्यासाठी सर्वप्रथम एका वाटीमध्ये तांदळाचे पीठ, रवा दही आणि पाणी घालून ७ ते ८ तास तयार पीठ भिजत ठेवा.
• त्यानंतर तयार केलेल्या पिठामध्ये पालकची पेस्ट, बारीक चिरलेली कोथांबीर टाकून पुन्हा एकदा व्यवस्थित मिक्स करून घ्या.
• तयार केलेल्या पिठामध्ये जास्त पाणी घालू नये. असे केल्यामुळे पदार्थाची चव बिघडू शकते.
• डोसा बनवण्यासाठी पॅनमध्ये तेल टाकून गरम करण्यासाठी ठेवा. पॅन गरम झाल्यानंतर त्यावर डोसाचे मिश्रण टाकून सगळीकडे पसरवून घ्या.
• दोन्ही बाजूने डोसा व्यवस्थित भाजल्यानंतर डोसाच्या एका बाजूला किसलेले पनीर टाकून डोसा घडी मारून घ्या.
• अशा पद्धतीने तयार केलेला डोसा घरातील लहानमुलांपासून मोठ्यांपर्यंत सगळ्यांचं खूप आवडेल.