शाळेच्या डब्यासाठी १० मिनिटांमध्ये बनवा हेल्दी आणि टेस्टी पालक पनीर राईस, पदार्थ पाहून लहान मुलं होतील खुश

लहान मुलांना पालक खायला अजिबात आवडत नाही. अशावेळी तुम्ही मुलांसाठी सोप्या पद्धतीमध्ये पालक पनीर राईस बनवू शकता. हा पदार्थ झटपट आणि कमीत कमी साहित्यात तयार होतो.

प्रत्येक आईसाठी लहान मुलांना शाळेच्या डब्यात किंवा सकाळच्या नाश्त्यात नेमकं काय बनवून द्यावं? हा प्रश्न कायमच असतो. लहान मुलांना नाश्त्यात चमचमीत पदार्थ खाण्यास हवे असतात. तसेच डब्यासाठी पास्ता किंवा चमचमीत पदार्थ हवे असतात. लहान मुलं कायमच पालेभाज्या खाण्यास नकार देतात. पालेभाज्यांचे नाव ऐकल्यानंतर नाक मुरडतात. थंडीच्या दिवसांमध्ये बाजारात अनेक वेगवेगळ्या पालेभाज्या उपलब्ध असतात. त्यातील पौष्टिक चवीची भाजी म्हणजे पालक. पालक शरीरासाठी अतिशय पौष्टिक आहे., पालकच्या सेवनामुळे शरीरात निर्माण झालेली लोहाची कमतरता भरून निघते आणि आरोग्य सुधारते. म्हणूनच आज आम्ही तुम्हाला शाळेच्या डब्यासाठी सोप्या पद्धतीमध्ये पालक पनीर राईस बनवण्याची सोपी रेसिपी सांगणार आहोत. हा पदार्थ झटपट तयार होतो. याशिवाय लहान मुलांच्या आरोग्यासाठी सुद्धा अतिशय गुणकारी आहे. चला तर जाणून घेऊया पालक पनीर राईस बनवण्याची सोपी रेसिपी.(फोटो सौजन्य – pinterest)

विकतचे च्यवनप्राश आणून खाण्यापेक्षा घरी पारंपरिक पद्धतीने बनवा आवळ्याचे च्वनप्राश, थंडीत सुधारेल शरीराची रोगप्रतिकारशक्ती

साहित्य:

• शिजवलेला भात
• पालक
• पनीर
• आलं लसूण पेस्ट
• कांदा
• जिरं
• काळीमिरी पावडर
• मक्याचे दाणे
• मीठ

दुपारच्या जेवणासाठी १५ मिनिटांमध्ये बनवा अस्सल पारंपरिक चवीचा मसालेभात, तूप ओल्या खोबऱ्यासोबत लागेल भन्नाट चव

कृती:

• पालक पनीर राईस बनवण्यासाठी सर्वप्रथम, पालक स्वच्छ धुवून घ्या. त्यानंतर काहीवेळ पालक पाण्यात उकडवून नंतर पेस्ट तयार करा.
• कढईमध्ये तूप किंवा तेल गरम करून त्यात जिरं आणि हिंग घाला. नंतर त्यात उभा पातळ चिरलेला कांदा घालून लाल सोनेरी होईपर्यंत भाजून घ्या.
• त्यानंतर त्यात हिरवी मिरची, आलं लसूण पेस्ट घालून भाजा. नंतर त्यात पनीरचे तुकडे, काळी मिरी- बडीशेप पावडर आणि पालक पेस्ट घालून मिक्स करा.
• पालकची ग्रेव्ही शिजल्यानंतर त्यात शिजवून घेतलेला भात आणि चवीनुसार मीठ घालून व्यवस्थित मिक्स करा.
• भातावर काहीवेळ झाकण मारून ठेवा. यामुळे पालक भातामध्ये व्यवस्थित मिक्स होईल.
• सगळ्यात शेवटी बारीक चिरलेली कोथिंबीर घालून व्यवस्थित मिक्स करा. तयार आहे सोप्या पद्धतीमध्ये बनवलेला पालक पनीर राईस.