सकाळी लहान मुलांच्या नाश्त्यासाठी झटपट बनवा हेल्दी टेस्टी पालक पराठा, वाचा रेसिपी

लहान मुलांना हिरव्या पालेभाज्या खायला आवडत नाही., अशावेळी तुम्ही मुलांना या भाज्यांपासून पौष्टिक पालक पराठा बनवून देऊ शकता. पालक पराठा बनवण्यासाठी जास्त वेळ लागत नाही. चला तर जाणून घेऊया सोपी रेसिपी.

लहान मुलांना सकाळच्या नाश्त्यात नेमकं काय खायला द्यावं? असा प्रश्न सर्वच पालकांना पडतो. सर्वच घरांमध्ये मुलं नाश्त्यामध्ये बिस्कीट किंवा ब्रेड खातात. तसेच अनेकांना बाहेरून विकत आणलेले पदार्थ खायला खूप आवडतात. पण सतत बाहेरचे पदार्थ खाल्यामुळे पोट आणि पचनक्रिया बिघडण्याची शक्यता असते. त्यामुळे लहान मुलांना सतत बाहेरचे पदार्थ खायला देऊ नये. बाहेरचे पदार्थ खाऊन मुलं आजारी पडल्यानंतर मुलांच्या रोगप्रतिकारशक्तीवर त्याचा परिणाम दिसून येतो. त्यामुळे मुलांना नेहमी सकाळच्या नाश्त्यात किंवा इतर वेळी घरी बनवलेले पौष्टिक पदार्थ खाण्यास द्यावे. अशावेळी तुम्ही मुलांना नाश्त्यामध्ये पालक पराठे बनवून देऊ शकता. पालेभाज्या मुलांना खायला आवडत नाही. अशावेळी पराठे किंवा इतर पदार्थ तुम्ही मुलांना बनवून देऊ शकता. चला तर जाणून घेऊया पालक पराठा बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• पालक
• जिरे
• गव्हाचं पीठ
• मीठ
• गरम मसाला
• आल्याचा तुकडा
• बारीक चिरून घेतलेल्या हिरव्या मिरच्या
• लसूण

नवनवीन रेसिपीसाठी इथे क्लिक करा

कृती:

• पालक पराठा बनवण्यासाठी सर्वप्रथम, मिक्सरच्या भांड्यात स्वच्छ करून घेतलेला पालक, हिरव्या मिरच्या, लसूण टाकून बारीक वाटून घ्या.
• त्यानंतर ताटात गव्हाचं पीठ घेऊन त्यात चवीनुसार मीठ टाकून मिक्स करून घ्या.
• नंतर त्यात पालकचे तयार केलेले मिश्रण पिठामध्ये मिक्स करून घ्या.
• नंतर त्यात आवश्यकतेनुसार पाणी टाकून पीठ मळून घ्या. नंतर पिठाला तेल लावून ५ ते १० मिनिटं बाजूला ठेवा.
• तयार केलेल्या पिठाचे छोटे छोटे गोळे करून पराठे लाटून घ्या.
• तव्यावर पराठे दोन्ही बाजूने भाजून घ्या. पराठे भाजून त्यावर तूप किंवा तेल लावा.
• तयार आहेत पालकचे पराठे. हे पराठे तुम्ही लहान मुलांना डब्यात पण देऊ शकता.