सकाळची सुरुवात होईल हेल्दी आणि टेस्टी! झटपट घरी बनवा रव्याचा मेदुवडा

सकाळची सुरुवात करा हेल्दी आणि टेस्टी नाश्त्याने, घरी बनवा रव्याचा पौष्टिक मेदुवडा! हा मेदुवडा अगदी झटपट तयार होतो. तसेच चवीबरोबर आरोग्यासाठीही फायद्याचा ठरतो.

Follow Us:

Follow Us:

सकाळचा नाश्ता हा कधीही चुकवू नये. नाश्ता आपल्याला पूर्ण दिवस काम करण्यासाठी ऊर्जा प्रदान करत असतो. बऱ्याचदा डॉक्टरांकडूनही सकाळचा नाश्ता आवर्जून करण्याचा सल्ला दिला जातो. अशात आपण कधीही सकाळचा नाश्ता मिस करू नये. आता नाश्ता म्हटलं की, बऱ्याचदा तेच तेच नाश्त्याचे पदार्थ आठवू लागतात जसे की पोहे, उपमा! मात्र तुम्हाला जर तेच तेच नाश्त्याचे पदार्थ खाऊन कंटाळा आला असेल तर आज आम्ही तुमच्यासाठी चविष्ट अशा नाश्त्याची रेसिपी घेऊन आलो आहोत.

सध्या अनेक लोक पौष्टिक पदार्थ खाण्यावर अधिक भर देतात. मात्र बऱ्याचदा हे पौष्टिक पदार्थ चवीला मात्र तितकेसे चांगले लागत नाही. अशात आम्ही तुमच्यासाठी अशी एक रेसिपी घेऊन आलो आहोत चवीबरोबरच तुमच्या आरोग्यासाठीही उत्तम ठरेल. तुम्हाला साऊथ इंडियन पदार्थ खायला आवडत असतील तर ही रेसिपी तुमच्या आवडीची ठरेल. आज आम्ही तुमच्यासोबत मेदुवड्याची रेसिपी शेअर करत आहोत. मेदुवडा मुख्यतः उडदाच्या डाळीपासून तयार केला जातो मात्र आम्ही तुम्हाला रव्यापासून झटपट असा मेदुवडा कसा तयार करायचा याची एक सोपी रेसिपी सांगत आहोत. ही रेसिपी लहानांपासून मोठ्यांपर्यंत सर्वांनाच खायला फार आवडेल. सकाळच्या धावपळीत ही तुमच्यासाठी परफेक्ट रेसिपी आहे. चला तर मग जाणून घेऊयात यासाठी लागणारे साहित्य आणि कृती.

रेसिपीच्या बातम्या वाचण्यासाठी इथे क्लिक करा

साहित्य

• 2 कप रवा
• 3-4 कप दही
• 1 चमचा किसलेलं आलं
• 3-4 हिरव्या मिरच्या
• तेल
• मीठ

रेसिपीच्या बातम्या वाचण्यासाठी इथे क्लिक करा

कृती

• रव्यापासून मेदुवडा तयार करण्यासाठी सर्वप्रथम एका बाऊलमध्ये रवा घ्या यानंतर
• यात दही टाका आणि मिक्स करून याचे एक मिश्रण तयार करा
• मग या मिश्रणात आलं, बारीक चिरलेली हिरवी मिरची, चवीनुसार मीठ घालून एक जाडसर पेस्ट तयार करून घ्या
• आता हे तयार मिश्रण 15-20 मिनिटांसाठी झाकून बाजूला ठेवून द्या
• त्यानंतर गॅसवर एक कढई ठेवा आणि यात तेल टाका
• तेल चांगले गरम झाले की तयार पिठाचे मेदुवडे तयार करून तेलात सोडा
• आता मध्यम आचेवर हे मेदुवडे छान सोनेरी रंग येईपर्यंत आणि कुरकुरीत होईपर्यंत तळून घ्या
• तयार मेदुवडा एका प्लेटमध्ये काढा आणि नारळाच्या चटणीसोबत खाण्यासाठी सर्व्ह करा
• तुम्ही हे मेदुवड्याचे पीठ अनेक दिवस साठवून ठेवू शकता

Web Title: Make tasty and healthy semolina meduvada in just a few minutes read the recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com