साध्या जेवणाची वाढेल रंगतदार चव! सोप्या पद्धतीमध्ये घरी बनवा हॉटेलस्टाईल चमचमीत पनीर भुर्जी, नोट करून घ्या रेसिपी

आज आम्ही तुम्हाला सोप्या पद्धतीमध्ये पनीर बुर्जी बनवण्याची रेसिपी सांगणार आहोत. हा पदार्थ लहान मुलांच्या डब्यासाठी अतिशय उत्तम पर्याय आहे. चला तर जाणून घेऊया पनीर बुर्जी बनवण्याची सोपी रेसिपी.

लहान मुलांपासून अगदी मोठ्यांपर्यंत सगळ्यांचं पनीर पासून बनवलेले पदार्थ खायला खूप जास्त आवडतात. पनीरचे नाव घेतल्यानंतर अनेकांच्या तोंडाला पाणी सुटते. पनीरपासून अनेक वेगवेगळे पदार्थ बनवले जातात. पनीर मसाला, पनीर कबाब, मटार पनीर, पनीर कढाई इत्यादी अनेक पदार्थ बनवले जातात. पण आज आम्ही तुम्हाला सोप्या पद्धतीमध्ये हॉटेल स्टाईल पनीर बुर्जी बनवण्याची सोपी रेसिपी सांगणार आहोत. हॉटेलमध्ये गेल्यानंतर किंवा ढाब्यावर जेवायला गेल्यानंतर शहाकरी लोकांसाठी पनीर बुर्जी मागवली जाते. पनीर बुर्जी हा पदार्थ उत्तर भारतातील फेमस पदार्थ आहे. हा पदार्थ तुम्ही सकाळच्या नाश्त्यात सुद्धा खाऊ शकता. सकाळच्या वेळी पोटभर नाश्ता केल्यास शरीराला अनेक फायदे होतात. याशिवाय पोट सुद्धा भरलेले राहते आणि दुपारी लवकर भूक लागत नाही. कोणताही पदार्थ खाण्याची इच्छा झाल्यानंतर तो कायमच विकत आणला जातो. पण नेहमीच बाहेरील पदार्थ खाण्यापेक्षा घरी बनवलेल्या पदार्थाचे सेवन करावे. चला तर जाणून घेऊया हॉटेल स्टाईल पनीर बुर्जी बनवण्याची सोपी रेसिपी.(फोटो सौजन्य – pinterest)

१० मिनिटांमध्ये ताज्या आणि रसाळ संत्र्यापासून बनवा नागपुरी संत्रा बर्फी, आठवडाभर टिकून राहील व्यवस्थित

साहित्य:

• पनीर
• कांदा
• टोमॅटो
• हिरवी मिरची
• आलं लसूण पेस्ट
• लाल तिखट
• कोथिंबीर
• कसुरी मेथी
• मीठ
• तेल
• जिरं
• गरम मसाला
• हळद

Winter Recipe : थंडीच्या दिवसांत घरी बनवायला विसरू नका ‘पाया सूप’, अभिनेत्री करीना कपूरची फेव्हरेट डिश

कृती:

• हॉटेल स्टाईल पनीर बुर्जी बनवण्यासाठी सर्वप्रथम, पनीर स्वच्छ धुवून मॅश करून घ्या. मॅश केल्यामुळे पनीर मसाल्यात व्यवस्थित मिक्स होईल.
• कढईमध्ये तेल गरम त्यात जिरं, हिंग आणि कांदा टोमॅटो टाकून व्यवस्थित मिक्स करा. भाज्या शिजण्यासाठी त्यात चवीनुसार मीठ घालून काहीवेळ झाकण मारून ठेवा.
• कांदा टोमॅटो शिजल्यानंतर त्यात आलं लसूण, हिरवी मिरची घालून काहीवेळा मिक्स करा. त्यानंतर त्यात लाल तिखट, हळद आणि गरम मसाला घालून थोडस पाणी घालून मसाला तेलात शिजवून घ्या.
• मसाला व्यवस्थित शिजल्यानंतर त्यात किसून घेतलेले पनीर घालून आवश्यकतेनुसार कोथिंबीर आणि कसुरी मेथी घालून मिक्स करा.
• तयार आहे सोप्या पद्धतीमध्ये बनवलेली हॉटेल स्टाईल पनीर बुर्जी.