Food Recipe: सकाळच्या नाश्त्यासाठी ५ मिनिटांमध्ये बनवा टेस्टी Paneer Sandwich, लहान मुलांसह सगळेच खातील आवडीने

सकाळच्या नाश्त्यात कायमच हेल्दी आणि पोट भरेल अशा पदार्थांचे सेवन करावे. त्यामुळे सकाळच्या नाश्त्यात तुम्ही झटपट पनीर सँडविच बनवू शकता. पनीरपासून बनवलेले पदार्थ चवीसोबतच शरीरासाठी सुद्धा फायदेशीर आहेत.

सकाळच्या वेळी पोटभर नाश्ता करणे ही सवय शरीरासाठी आरोग्यदायी मानली जाते. पोटभर नाश्ता केल्यामुळे संपूर्ण दिवस आनंद आणि उत्साहात जातो. पण कामाच्या धावपळीमध्ये काहीजण नाश्ता करणे विसरून जातात तर बऱ्याचदा नाश्ता करण्यासाठी वेळ मिळत नाही. पण असे न करता सकाळच्या वेळी पोटभर नाश्ता करणे फार अवश्यक आहे. नाश्त्यात तेलकट किंवा तिखट पदार्थांचे सेवन करण्याऐवजी हेल्दी आणि सहज पचन होणाऱ्या पदार्थांचे आवर्जून सेवन करावे. त्यामुळे सकाळच्या नाश्त्यात झटपट तयार होणारे पनीर सँडविच बनवून नक्कीच खावे. पनीर खाल्ल्यामुळे पोट सुद्धा भरलेले राहते आणि लवकर भूक लागत नाही. लहान मुलांसह मोठेसुद्धा भाज्या खाण्याचा खूप जास्त कंटाळा करतात. अशावेळी मुलांना या पद्धतीने वेगवेगळे पदार्थ बनवून खाण्यास द्यावे. चला तर जाणून घेऊया रेसिपी.(फोटो सौजन्य – istock)

नारळीपोर्णिमेनिमित्त बनवा महिनाभर व्यवस्थित टिकून राहणाऱ्या ओल्या खोबऱ्याच्या चविष्ट करंज्या, नोट करून घ्या रेसिपी

साहित्य:

• पनीर
• ब्रेड
• मीठ
• कांदा
• टोमॅटो
• शिमला मिरची
  चाट मसाला
• चीज
• काळीमिरी पावडर
• बटर

उपवासाच्या दिवशी काही तरी वेगळं खायचं असेल तर १५ मिनिटांमध्ये बनवा वरीच्या तांदळाचा ढोकळा, पचायला हलका आणि पौष्टिक

कृती:

• पनीर सँडविच बनवण्यासाठी सर्वप्रथम, मोठ्या वाटीमध्ये बारीक चिरून घेतलेला कांदा, टोमॅटो आणि बारीक केलेले पनीर, शिमला मिरची घालून व्यवस्थित मिक्स करा.
• सर्व भाज्या व्यवस्थित मिक्स करून झाल्यानंतर त्यात चाट मसाला, चवीनुसार मीठ, काळीमिरी पावडर, बारीक चिरून घेतलेली कोथिंबीर घालून व्यवस्थित मिक्स करा.
• ब्रेडवर सॉस लावून त्यावर तयार केलेले मिश्रण एकसमान लावून घ्या आणि तुमच्या आवडीनुसार किसून घेतलेले चीज घाला.
• त्यानंतर त्यावर पुन्हा एकदा ब्रेड ठेवून तवा गरम करून त्यात ठेवा आणि दोन्ही बाजूने बटर टाकून कुरकुरीत होईपर्यंत भाजून घ्या.
• तयार आहे सोप्या पद्धतीमध्ये बनवलेले टेस्टी पनीर सँडविच. हा पदार्थ घरातील सगळ्यांचं खूप जास्त आवडेल.