१० मिनिटांमध्ये घरी बनवा आंबट गोड कैरीचे चविष्ट पापड चाट, लहान मुलांसह मोठ्यांनाही आवडेल पदार्थ

जेवणाच्या पापड असेल तर दोन घास जेवण जास्त जातं. लहान मुलांपासून ते अगदी मोठ्यांपर्यंत सगळ्यांचं पापड खायला खूप आवडत. म्हणूनच आज आम्ही तुम्हाला आंबटगोड कैरी पापडचे चाट बनवण्याची सोपी रेसिपी सांगणार आहोत.

संध्याकाळच्या वेळी सगळ्यांचं छोटी मोठी भूक लागते. ऑफीमधून थकून घरी आल्यानंतर नेमकं काय खावं? हे अनेकदा सुचत नाही. नेहमीच बाहेरचे तेलकट किंवा तिखट पदार्थ खाणे आरोग्यासाठी चांगले नाही. त्यामुळे संध्याकाळच्या वेळी पचनास हलके आणि चविष्ट पदार्थ खावे. लहान मुलांपासून ते अगदी मोठ्यांपर्यंत सगळ्यांचं चाट खायला खूप आवडतं. चटपटीत पदार्थ खाण्याची इच्छा झाल्यानंतर सगळ्यात आधी चाट खाल्ले जाते. पापड चाट, चणा चाट किंवा इतर पदार्थांपासून बनवलेले चाट खूप जास्त प्रसिद्ध आहेत. मात्र आज आम्ही तुम्हाला कैरी घालून बनवलेले चविष्ट पापड चाट बनवण्याची सोपी रेसिपी सांगणार आहोत. उन्हाळ्याच्या दिवसांमध्ये बाजारात कच्ची कैरी मोठ्या प्रमाणात उपलब्ध असते. त्यामुळे घरी चाट बनवताना तुम्ही त्यात कैरीचा वापर करू शकता. जाणून घ्या कैरी पापडाचे चाट बनवण्याची सोपी रेसिपी.(फोटो सौजन्य – iStock)

सकाळचा नाश्ता होईल आणखीन चविष्ट! सोप्या पद्धतीमध्ये घरी बनवा कुरकुरीत टोमॅटो डोसा, वाचा रेसिपी

साहित्य:

• कैरी
• लाल तिखट
• पापड
• मीठ
• कांदा
• टोमॅटो
• लिंबाचा रस
• भाजलेले शेंगदाणे
• चाट मसाला
• हिरवी मिरची
• बारीक शेव

कांदा भाजी खाऊन कंटाळा आला आहे? मग सोप्या पद्धतीमध्ये न थापता बनवा कुरकुरीत कोबीची वडी, नोट करा रेसिपी

कृती:

• पापड चाट बनवण्यासाठी सर्वप्रथम, पापड हलकासा भाजून त्यांचा कोन बनवून घ्या. या पद्धतीने तुम्हाला हवे तितक्या पापडाचे कोन तयार करा.
• मोठ्या वाटीमध्ये बारीक चिरून घेतलेले कांदा, टोमॅटो, कच्ची कैरी, लाल तिखट, चाट मसाला आणि हळद टाकून मिक्स करून घ्या.
• त्यानंतर त्यात चवीनुसार मीठ टाकून मिक्स करा. आंबटपणा येण्यासाठी तयार केलेल्या मिश्रणात दोन चमचे लिंबाचा रस टाकून मिक्स करा.
• तयार करून घेतलेले पापड कोन घेऊन त्यात चाटचे मिश्रण भरून वरून बारीक शेव टाकून सर्व्ह करा. तयार आहे सोप्या पद्धतीमध्ये
• बनवलेले आंबटगोड पापड चाट.