उपवासात फराळाची चव वाढवण्यासाठी सोप्या पद्धतीमध्ये बनवा पौष्टिक शेंगदाण्याची आमटी, झटपट तयार होईल पदार्थ

उपवासाच्या दिवशी वरीचा भात बनवल्यानंतर प्रामुख्याने सर्वच घरांमध्ये शेंगदाण्याची आमटी बनवली जाते. त्यामुळे आज आम्ही तुम्हाला सोप्या पद्धतीमध्ये शेंगदाण्याची आमटी बनवण्याची सोपी रेसिपी सांगणार आहोत.

महाशिवरात्री हा सण दरवर्षी मोठ्या आनंद आणि उत्साहात साजरा केला जातो. या दिवशी अनेक महिला पुरुष उपवास करतात. याशिवाय शंकराची मनोभावे पूजा करून वेगवेगळ्या पदार्थांचा नैवेद्य दाखवला जातो. उपवास म्हंटल की अनेक घरांमध्ये साबुदाण्याची खिचडी, वरीचा भात इत्यादी पदार्थ बनवले जातात. वरीचा भात बनवल्यानंतर त्यासोबत शेंगदाण्याची आमटी सुद्धा बनवली जाते. त्यामुळे आज आम्ही तुम्हाला सोप्या पद्धतीमध्ये शेंगदाण्याची आमटी बनवण्याची सोपी रेसिपी सांगणार आहोत. शेंगदाण्याची आमटी तुम्ही इतर वेळी जेवणात सुद्धा बनवू शकता. भात, चपाती किंवा भाकरीसोबत शेंगदाण्याची आमटी अतिशय सुंदर लागेल. शेंगदाणे आरोग्याच्या दृष्टीने अतिशय पौष्टिक आहेत. त्यामुळे उपवासाच्या दिवशी वरीचा भात नुसताच खाण्याऐवजी तुम्ही शेंगदाण्याची आमटी आणि वरीचा भात खाऊ शकता. चला तर जाणून घेऊया शेंगदाण्याची आमटी बनवण्याची सोपी रेसिपी.(फोटो सौजन्य – iStock)

सकाळच्या नाश्त्यासाठी सोप्या पद्धतीमध्ये बनवा चविष्ट स्ट्रॉबेरी शेक, वाचा सिंपल रेसिपी

साहित्य:

• शेंगदाणे
• हिरवी मिरची
• तेल
• मीठ
• पाणी
• बटाटा
• जिरं

Mahashivratri 2025: महाशिवरात्रीच्या उपवासात दिवसभर शरीरातील ऊर्जा टिकून राहण्यासाठी बनवा सुकामेवा सॅलड

कृती:

• शेंगदाण्याची आमटी बनवण्यासाठी सर्वप्रथम, कढई गरम करून त्यात शेंगदाणे टाकून भाजून घ्या.
• भाजलेल्या शेंगदाण्याची साल काढून नंतर मिक्सरच्या भांड्यात शेंगदाणे टाकून व्यवस्थित बारीक करा.
• नंतर त्यात २ हिरव्या मिरच्या, जिरं आणि अर्धा कप पाणी घालून पुन्हा एकदा पेस्ट तयार करून घ्या.
• कढईमध्ये तेल गरम करून त्यात जिरं टाकून भाजून घ्या. त्यानंतर किसून घेतलेला बटाटा टाकून चवीनुसार मीठ टाका.
• एक वाफ आल्यानंतर झाकण काढून मिक्स करून घ्या. तयार करून घेतलेली शेंगदाण्याची पेस्ट कढईमध्ये टाकून मिक्स करा.
• आमटी बनवताना आवश्यकतेनुसार पाणी घालून मिक्स करून घ्या. आमटीला व्यवस्थित उकळी आल्यानंतर गॅस बंद करून वरून कोथिंबीर घाला.
• तयार आहे सोप्या पद्धतीमध्ये बनवलेली शेंगदाण्याची आमटी.