Recipe : भाजी काय बनवावी ते सुचत नाहीये? मग अशी बनवा आंबट-तिखट टोमॅटोची चटणी, १५ मिनिटांची रेसिपी

Tomato Chutney Recipe : टोमॅटोची चटणी योग्यरित्या बनवली तर भाजीलाही मागे टाकते. अशा पद्धतीने झटपट टोमॅटोची चटणी बनवाल तर भाजीचीही गरज भासणार नाही. चला वेळ न घालवता लगेच रेसिपी जाणून घेऊया.

• टोमॅटोची चटणी जेवणाची चव द्वगुणित करते.
• भाजी काय बनवावी सुचत नसल्यास ही चटणी तयार करता येते.
• घाईगडबडीच्या वेळी झटपण बनवण्यासाठी हा एक परफेक्ट पदार्थ आहे.

टोमॅटोचा आंबट-गोड स्वाद आणि मसाल्यांचा तिखटपणा यांचा सुंदर मेळ म्हणजे टोमॅटो चटणी. रोजच्या जेवणात तोंडी लावण्यासाठी काहीतरी झटपट आणि चवदार हवे असेल, तर ही चटणी उत्तम पर्याय ठरते. विशेष म्हणजे यासाठी फारसे साहित्य लागत नाही आणि स्वयंपाकघरात सहज उपलब्ध असणाऱ्या पदार्थांपासून ती तयार करता येते. टोमॅटो चांगले परतून घेतल्यामुळे त्यांचा कच्चेपणा निघून जातो आणि चटणीला छान चव व सुगंध येतो. त्यात लसूण, हिरवी मिरची आणि मसाल्यांचा वापर केल्याने चटणी अधिक खमंग बनते. चला तर मग, घरच्या घरी झटपट तयार होणारी टोमॅटो चटणी कशी बनवायची याची रेसिपी जाणून घेऊया.

Food Recipe: पनीर प्रेमींसाठी खास पदार्थ! काही मिनिटांमध्ये झटपट बनवा चमचमीत लसूण पनीर, सगळेच खातील आवडीने

साहित्य

• 3 ते 4 पिकलेले टोमॅटो
• 4 ते 5 लसूण पाकळ्या
• 2 हिरव्या मिरच्या
• 1 छोटा कांदा
• 1 चमचा तेल
• ½ चमचा मोहरी
• ½ चमचा जिरे
• चिमूटभर हिंग
• ½ चमचा हळद
• ½ चमचा लाल तिखट
• ½ चमचा धणे-जिरे पूड
• चवीनुसार मीठ
• थोडी कोथिंबीर

Recipe : खवय्यासांठी खास! मशरुम कबाब कधी खाल्लेत का? लगेच रेसिपी नोट करा

कृती

• टोमॅटो स्वच्छ धुऊन त्यांचे छोटे तुकडे करून घ्या. कांदा, हिरवी मिरची आणि लसूण बारीक चिरून बाजूला ठेवा.
• कढईत तेल गरम करून त्यात टोमॅटोचे तुकडे घाला. थोडे मीठ टाकून टोमॅटो मऊ होईपर्यंत परतून घ्या.
• दुसऱ्या बाजूला थोडे तेल घेऊन त्यात कांदा, लसूण आणि हिरवी मिरची घाला. कांदा मऊ आणि किंचित सोनेरी होईपर्यंत परतून घ्या.
• आता त्यात हळद, लाल तिखट आणि धणे-जिरे पूड घाला. मसाले जळणार नाहीत याची काळजी घेत काही सेकंद परता.
• परतलेले टोमॅटो, कांदा, लसूण आणि मिरची एका ताटात काढून थोडे थंड होऊ द्या.
• सर्व मिश्रण मिक्सरमध्ये घालून बारीक किंवा किंचित जाडसर वाटून घ्या. ठेचून चटणी वाटली तर अधिक उत्तम.
• कढईत थोडे तेल गरम करून मोहरी, जिरे आणि हिंगाची फोडणी द्या.
• आता त्यात वाटलेली चटणी घालून 2 ते 3 मिनिटे शिजवा. वरून कोथिंबीर घाला आणि गरमागरम चटणी खाण्यासाठी सर्व्ह करा.