शाळेच्या डब्यासाठी १० मिनिटांमध्ये बनवा हेल्दी टेस्टी नाचणीचा डोसा, लहान मुलं आवडीने खातील

लहान मुलांच्या डब्यासाठी नेहमी नेहमी काय बनवावं? असे अनेक प्रश्न पालकांना सतत पडतात. अशावेळी तुम्ही सोप्या पद्धतीमध्ये झटपट नाचणीचे डोसे बनवू शकता. चला तर जाणून घेऊया नाचणीचे डोसे बनवण्याची कृती.

सर्वच लहान मुलांच्या शाळा सुरु झाल्या आहेत. शाळा सुरु झाल्यानंतर मुलांच्या डब्यासाठी नेमकं काय बनवावं? हा प्रश्न सर्वच पालकांना पडतो. मुलांना डब्यात नेहमीच चमचमीत तिखट आणि चविष्ट पदार्थ हवे असतात. बऱ्याचदा मुलं आईवडिलांकडे बाहेरून विकत आणलेले पदार्थ खाण्याचा हट्ट करतात. मात्र नेहमी नेहमी बाहेरील तेलकट तिखट पदार्थ खाणे आरोग्यासाठी चांगले नाही. अशावेळी तुम्ही मुलांना नाचणीचे डोसे बनवून खाण्यास देऊ शकता. नाचणी आरोग्यासाठी अतिशय पौष्टिक आहे. नाचणीमध्ये कॅल्शियम, प्रोटीन, फायबर इत्यादी अनेक आवश्यक घटक आढळून येतात. त्यामुळे आहारात नाचणीच्या भाकरीचे किंवा नाचणीपासून बनवलेल्या पदार्थांचे सेवन करावे. चला तर जाणून घेऊया नाचणीचे पौष्टिक डोसे बनवण्याची सोपी रेसिपी.(फोटो सौजन्य – istock)

पावसाळ्यातील थंडगार वातावरणात झटपट बनवा हिरव्या मुगाचं कढण, नोट करा पारंपरिक पदार्थ

साहित्य:

• तांदूळ
• हरभरा
• शेंगदाणे
• नाचणी
• चणा डाळ
• मेथी दाणे
• काबुली चणे
• कांदा
• हिरवी मिरची
• आलं
• लसूण
• जिरे
• मीठ

रात्रीच्या जेवणाला बनवा कोल्हापूर स्टाईल झणझणीत शेवेची भाजी; जाणून घ्या पारंपरिक रेसिपी

कृती:

• नाचणीचे डोसे बनवण्यासाठी सर्वप्रथम, मोठ्या टोपात वाटीभर तांदूळ, हरभरे, शेंगदाणे, नाचणी, मेथी दाणे आणि सर्व साहित्य भिजेल इतके पाणी घालून भिजत ठेवा.
• दुसऱ्या दिवशी भिजवलेले सर्व साहित्य मिक्सरच्या भांड्यात टाकून बारीक पेस्ट करून वाटून घ्या. त्यानंतर तयार केलेले मिश्रण काढून घ्या.
• मिक्सरच्या भांड्यात पुन्हा एकदा चिरलेला कांदा, हिरवी मिरची, आलं, लसूण आणि जिरं घालून बारीक पेस्ट तयार करून घ्या.
• पेस्ट तयार करताना त्यात जास्त पाणी घालू नये, यामुळे डोसे कुरकुरीत होणार नाही. पदार्थाची चव खराब होईल.
• पॅन गरम करून त्यावर तेल टाकून पसरवून घ्या. गरम तेल झाल्यानंतर तयार केलेले मिश्रण गोलाकार पसरवून दोन्ही बाजूने व्यवस्थित भाजून घ्या.
• तयार आहे सोप्या पद्धतीमध्ये बनवलेला नाचणीचा डोसा. हा पदार्थ खोबऱ्याच्या किंवा शेंगदाण्याच्या चटणीसोबत सुंदर लागेल.