रात्रीच्या जेवणाला बनवा कोल्हापूर स्टाईल झणझणीत शेवेची भाजी; जाणून घ्या पारंपरिक रेसिपी

शेवेची भाजी ही एक चविष्ट, झणझणीत आणि अगदी झटपट होणारी डिश आहे. मसालेदार ग्रेव्हीमध्ये कुरकुरीत शेव यांचे आगळेवेगळे कॉम्बिनेशन चवीला फार अप्रतिम लागते. चला लगेच जाणून घेऊयात यासाठी लागणारे साहित्य आणि कृती.

(फोटो सौजन्य: Pinterest)

Follow Us:

Follow Us:

शेवेची (किंवा शेव) भाजी ही एक लोकप्रिय महाराष्ट्रीयन डिश आहे जी बेसनापासून बनवलेली शेव आणि मसाल्याच्या भाजीच्या ग्रेव्हीने बनलेली असते. ही भाजी चवीला फार चविष्ट आणि झणझणीत लागते. शेवेची भाजी ही महाराष्ट्रात खास कोल्हापुरी पद्धतीने बनवली जाते. ती झणझणीत, मसालेदार आणि तोंडाला पाणी आणणारी असते. विशेषतः जेव्हा भाजीला वेळ नाही, तेव्हा शेव (बारीक किंवा जाड) वापरून झटपट ही भाजी करता येते. गरम भाकरी, पोळी किंवा भातासोबत ही भाजी अप्रतिम लागते.

उरलेल्या चपातीला द्या हटके ट्विट्स! सकाळच्या नाश्त्यात ५ मिनिटांमध्ये बनवा चविष्ट रॅप, नोट करा रेसिपी

मसालेदार ग्रेव्हीमध्ये मिसळलेली कुरकुरीत शेव चवीला अप्रतिमच लागते. रात्रीच्या जेवणाला काय बनवावं ते सुचत नसेल तर यंदा शेवेची भाजी आवर्जून बनवून पहा. ही भाजी चपाती अथवा भाकरीसह खाल्ली जाऊ शकते. शिवाय या भाजीला बनवायला फार काही साहित्य किंवा वेळेची गरज भासत नाही. चला तर मग लगेच नोट करूयात यासाठी लागणारे साहित्य आणि कृती.

पारंपरिक पद्धतीने घरीच बनवा चवदार रसाळ शहाळ्याची भाजी, चवीला लागेल सुंदर पदार्थ

साहित्य

• बारीक/जाड शेव – १ वाटी
• कांदा – १ मध्यम (बारीक चिरलेला)
• टोमॅटो – १ मध्यम (चिरलेला)
• आले-लसूण पेस्ट – १ चमचा
• लाल तिखट – १ चमचा
• हळद – ¼ चमचा
• गरम मसाला – ½ चमचा
• खोबरं – २ चमचे (खवलेलं किंवा वाटलेलं)
• तेल – २ चमचे
• मीठ – चवीनुसार
• पाणी – १ ते १½ कप
• कोथिंबीर – सजावटीसाठी

• शेवेची भाजी तयार करण्यासाठी सर्वप्रथम कढईत तेल गरम करून त्यात चिरलेला कांदा परतवा. तो हलकासा
• सोनेरी झाला की आले-लसूण पेस्ट घालून परतून यानंतर त्यात चिरलेला टोमॅटो, हळद, लाल तिखट, मीठ आणि गरम मसाला घालून टॉमॅटो मऊ होईपर्यंत शिजवून घ्या.
• खोबरं घालून थोडंसं परतवा.
• पाणी घालून उकळी आणा: १ ते १½ कप पाणी घालून मिश्रण उकळा. रस्सा तयार झाला की चव बघा.
• गॅस बंद करण्याआधी १-२ मिनिटं आधी शेव घाला. शेव मऊ होईल एवढंच शिजवा (जास्त वेळ शिजवली तर शेव गिळगिळीत होईल).
• शेवटी यात चिरलेली कोथिंबीर घालून भाजीत मिसळा
• तुम्ही ही भाजी गरम गरम भाकरी, पोळी किंवा भातासोबत सर्व्ह करू शकता.
• बारीक शेव वापरल्यास ती लगेच मऊ होते, त्यामुळे शेव घालून लगेच गॅस बंद करावा.
• झणझणीत आवडत असल्यास कोल्हापुरी मसाला घालू शकता.

Web Title: Kolhapur style shev bhaji recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com