लहान मुलांच्या नाश्त्यासाठी १० मिनिटांमध्ये बनवा पौष्टिक नाचणीचे सत्व, वाचा सोपी रेसिपी

नाचणी खाल्यामुळे आरोग्याला अनेक फायदे होतात. यामध्ये असलेले गुणधर्म आरोग्यासाठी अतिशय फायदेशीर आहेत. त्यामुळे तुम्ही दैनंदिन आहारात नाचणीपासून बनवलेल्या पदार्थांचे सेवन करू शकता. जाणून घ्या नाचणी सत्व बनवण्याची रेसिपी.

लहान मुलांच्या निरोगी आरोग्यासाठी आणि शरीराची रोगप्रतिकारशक्ती सुधारण्यासाठी आहारात नाचणीचे सेवन करावे. नाचणीमध्ये असलेले पौष्टिक घटक आरोग्यासाठी अतिशय फायदेशीर आहेत. नाचणीमध्ये कॅल्शियम, फायबर, प्रोटीन इत्यादी अनेक घटक आढळून येतात. लहान मुलं नेहमीच बाहेरचे पदार्थ खाण्याचा हट्ट करतात. पण सतत बाहेरच्याबी तेलकट किंवा तिखट पदार्थांचे मुलांना सेवन करण्यास देऊ नये. त्यामुळे आज आम्ही तुम्हाला सोप्या पद्धतीमध्ये पौष्टिक नाचणी सत्व बनवण्याची सोपी रेसिपी सांगणार आहोत. चला तर जाणून घेऊया नाचणी सत्व बनवण्याची सोपी रेसिपी.(फोटो सौजन्य – iStock)

नवनवीन बातम्यांसाठी इथे क्लिक करा

साहित्य:

• नाचणीचे पीठ
• पाणी
• चवीनुसार मीठ
• गूळ
• ओलं खोबर
• तूप
• वेलची पावडर

नवनवीन बातम्यांसाठी इथे क्लिक करा

कृती:

• नाचणी सत्व बनवण्यासाठी सर्वप्रथम, नाचणी स्वच्छ धुवून घ्या. त्यानंतर काहीवेळ पाण्यात भिजत ठेवा.
• मिक्सरच्या भांड्यात नाचणी आणि खोबर एकत्र वाटून तयार केलेली पेस्ट गाळून घ्या.
• गाळून घेतल्यानंतर त्यात आवडीनुसार गूळ टाकून मिक्स करून घ्या.
• तयार केलेले नाचणीचे मिश्रण गॅसवर शिजण्यासाठी ठेवा. नाचणी सत्व व्यवस्थित शिजल्याशिवाय गॅस बंद करू नये.
• उकळी आल्यानंतर त्यात चवीनुसार मीठ, वेलची पावडर, ड्रायफ्रूट पावडर टाकून मिक्स करून घ्या.
• तयार आहे सोप्या पद्धतीमध्ये बनवलेले नाचणी सत्व.