थंडीमध्ये निरोगी आरोग्यासाठी सोप्या पद्धतीमध्ये घरी बनवा गरमागरम नाचणीचे सूप, वाचा रेसिपी

आजारी पडल्यानंतर कोणतेही पदार्थ खाण्याची इच्छा होत नाही. अशावेळी तुम्ही सोप्या पद्धतीमध्ये नाचणीचे पौष्टिक सूप बनवू शकता. हे सूप बनवण्यासाठी जास्त वेळ लागत नाही. जाणून घेऊया रेसिपी.

हिवाळ्यात शरीराला उष्णतेची आवश्यकता असते. वातावरणात होणाऱ्या बदलांमुळे आरोग्य बिघडण्याची शक्यता असते. सर्दी खोकला किंवा ताप आल्यानंतर काहीच खाण्याची इच्छा निर्माण होत नाही. आजारपणामुळे शरीराची रोगप्रतिकारशक्ती आणि ऊर्जा कमी होऊन जाते. अशावेळी शरीराला पौष्टिक घटकांची आवश्यकता असते. त्यामुळे आज आम्ही तुम्हाला नाचणीसाजे सूप बनवण्याची सोपी रेसिपी सांगणार आहोत. नाचणी आरोग्यासाठी पौष्टिक आहे. नाचणीच्या पिठाचा वापर करून नाचणीची भाकरी, लाडू, नाचणी सत्व इत्यादी पदार्थ बनवले जातात. हिवाळ्याच्या दिवसांमध्ये थंड पदार्थ खाण्याऐवजी गरम पदार्थांचे सेवन करावे. यामुळे शरीराला ऊर्जा मिळते. चला तर जाणून घेऊया नाचणीचे सूप बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

नाचणीमध्ये फायबर, प्रोटीन, पोटॅशियम, फॉस्फरस, सोडियम, जिंक, लोह आणि कॅल्शियम अशी शरीराला आवश्यक असणारी सर्व गुणधर्म आढळतात. मधुमेहचा त्रास असलेल्या रुग्णांनी आहारात नाचणीचे सेवन करावे. यामुळे मधुमेहाची पातळी नियंत्रणात राहून आरोग्यासंबंधित समस्या उद्भवत नाहीत. वजन कमी करण्यासाठी नाचणीचे सेवन तुम्ही आहारात करू शकता.चला तर जाणून घेऊया नाचणीचे सूप बनवण्याची सोपी रेसिपी.

साहित्य:

• नाचणीचे पीठ
• शिमला मिरची
• कांद्याची पात
• कोबी
• बारीक चिरलेली हिरवी मिरची
• बारीक चिरलेले आलं लसूण
• सोया सॉस
• काळी मिरची पावडर
• टोमॅटो सॉस
• तेल

नवनवीन रेसिपीसाठी इथे क्लिक करा

कृती:

• नाचणीचे सूप बनवण्यासाठी सर्वप्रथम, कढईमध्ये तेल टाकून त्यात २ चमचे नाचणीचे पीठ घेऊन व्यवस्थित भाजून घ्या.
• पीठ भाजून झाल्यानंतर त्याच कढईमध्ये तेल गरम होण्यासाठी ठेवा. गरम तेलात आलं लसूण टाकून भाजून घ्या.
• त्यानंतर त्यात बारीक चिरून घेतलेला कोबी, कांद्याची पात, शिमला मिरची, हिरवी मिरची टाकून व्यवस्थित परतून घ्या.
• त्यानंतर त्यात नाचणीची पाणी घालून तयार केलेली पेस्ट ओतून मिक्स करा. आवश्यकतेनुसार पाणी सूपमध्ये टाका.
• सूपला उकळी आल्यानंतर त्यात काळीमिरी पावडर, टोमॅटो सॉस, सोया सॉस टाकून मिक्स करून घ्या. सूपला व्यवस्थित उकळी आल्यानंतर चवीनुसार मीठ टाका.
• तयार आहे सोप्या पद्धतीमध्ये बनवलेलं नाचणीचं सूप.