राजमा खायला आवडत नसेल तर सोप्या पद्धतीमध्ये घरी बनवा कुरकुरीत राजमा टॅकोज, नोट करून घ्या रेसिपी

लहान मुलांच्या डब्यासाठी तुम्ही झटपट राजमा टॅकोज बनवू शकता. हा पदार्थ चवीला अतिशय सुंदर लागतो.कमीत कमी साहित्यामध्ये झटपट पदार्थ बनवण्याचा असेल तर तुम्ही राजमा टॅकोज बनवू शकता.

लहान मुलांच्या डब्यासाठी नेहमी नेहमी काय बनवावं? हा प्रश्नच सर्वच महिलांना पडतो. अशावेळी मुलांना बाहेरील पदार्थ खाण्यास दिले जातात. मात्र लहान मुलांना नेहमी नेहमी बाहेरील तिखट तेलकट पदार्थ खाण्यास देऊ नये.याचा मुलांच्या आरोग्यावर गंभीर परिणाम दिसून येतो. त्यामुळे मुलांना नेहमीच हेल्दी आणि टेस्टी पदार्थ खाण्यास द्यावे. आज आम्ही तुम्हाला सोप्या पद्धतीमध्ये कुरकुरीत राजमा टॅकोज बनवण्याची सोपी रेसिपी सांगणार आहोत. बऱ्याच लहान मुलांना राजमा खायला आवडत नाही. राजम्याची भाजी पाहिल्यानंतर नाक मुरडतात. या कडधान्यांमध्ये शरीरास आवश्यक असलेले सर्वच घटक आढळून येतात. राजम्यामध्ये भरपूर प्रमाणात प्रोटीन आणि विटामिन आढळून येते. त्यामुळे आठवड्यातून एकदा आहारात राजम्याचे सेवन करावे. चला तर जाणून घेऊया राजमा टॅकोज बनवण्याची सोपी कृती.(फोटो सौजन्य – pinterest)

संध्याकाळच्या नाश्त्याला बनवा चविष्ट Malai Chaap Roll; चव अशी की सर्वच होतील खुश

साहित्य:

• राजमा
• बटाटा
• गव्हाचं पीठ
• रवा
• शिमला मिरची
• कांदा
• सॉस
• शेजवान चटणी
• लाल तिखट

महिलांच्या सर्व आजारांवर गुणकारी उपाय जवसाची चटणी! हाडांच्या वेदना, बद्धकोष्ठता होईल कमी

कृती:

• राजमा टॅकोज बनवण्यासाठी सर्वप्रथम, कुकरमध्ये स्वच्छ धुवून घेतलेले राजमा आणि बटाटा घालून शिजवून घ्या.
• कुकरच्या ७ शिट्ट्या झाल्यानंतर गॅस बंद करून कुकर थंड करून घ्या.
• मोठ्या ताटात गव्हाचं पीठ, रवा आणि चवीनुसार मीठ घालून मिक्स करा. ओरिगॅनो, कसूरी मेथी, चिली फ्लेक्स घालून मिक्स करा.
• आवश्यकतेनुसार पाणी घालून कणिक व्यवस्थित मळून घ्या. मळून घेतलेले कणिक काहीवेळ बाजूला ठेवा.
• कढईमध्ये तेल गरम करण्यासाठी ठेवा. तेलात आलं- लसूण पेस्ट, चिरलेल्या भाज्या, टोमॅटो सॉस, शेजवान सॉस, मीठ आणि लाल तिखट घालून मिक्स करा.
• त्यानंतर त्यात साल काढून मॅश केलेला बटाटा आणि राजमा घालून मिक्स करा. राजमा सुद्धा मॅश करून घ्यावा.
• मळून घेतलेल्या कणिकच्या छोट्या छोट्या पुऱ्या लाटून घ्या. पोळी तव्यावर टाकून एका बाजूने अर्धवट भाजून घ्या तर दुसऱ्या बाजूने पूर्णपणे भाजून घ्या.
• तयार केलेल्या पोळीला टोमॅटो सॉस आणि शेजवान सॉस लावून घ्या आणि तयार केलेले राजम्याचे स्टफिंग भरा आणि पोळी दुमडून घ्या.
• तव्यावर भाजून झाल्यानंतर खाण्यासाठी सर्व्ह करा. तयार आहे सोप्या पद्धतीमध्ये बनवलेले राजमा टॅकोज.