वाटीभर रव्याचा वापर करून सकाळच्या नाश्त्यासाठी सोप्या पद्धतीमध्ये इंस्टंट रव्याचे आप्पे, नोट करून घ्या रेसिपी

घाईगडबडीच्या वेळी सकाळच्या नाश्त्यासाठी तुम्ही रव्याचे आप्पे बनवू शकता. हा पदार्थ कमीत कमी साहित्य आणि कमी वेळात तयार होतो. जाणून घ्या रव्याचे आप्पे बनवण्याची सोपी रेसिपी.

दिवाळीच्या दिवसांमध्ये सकाळच्या नाश्त्यात कायमच लाडू, चकली किंवा इतर फराळातील पदार्थ खाल्ले जातात. पण नेहमीच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी वाटीभर रव्याचा वापर करून तुम्ही आप्पे बनवू शकता. आप्पे हा साऊथ इंडियन पदार्थ आहे. दक्षिण भारतात तांदूळ, उडीद डाळीपासून अनेक वेगवेगळे पदार्थ बनवले जातात. हे पदार्थ जगभरात सगळीकडे फेमस आहेत. सकाळच्या वेळी पोटभर नाश्ता केल्यास शरीराला अनेक फायदे होतील. नाश्ता केल्यामुळे लवकर भूक लागत नाही. कायमच नाश्त्यात कांदापोहे, उपमा, शिरा, डोसा खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. नाश्त्यात अतितिखट किंवा तेलकट पदार्थ खाऊ नये. कारण या पदार्थांच्या सेवनामुळे शरीरात ऍसिडिटी वाढते आणि संपूर्ण दिवस खराब जातो. चला तर जाणून घेऊया वाटीभर रव्याचे इन्स्टंट आप्पे बनवण्याची सोपी रेसिपी.(फोटो सौजन्य – istock)

बेकरीसारखा ‘लादी पाव’ घरी कसा तयार कसायचा? जाणून घ्या सोपी रेसिपी

साहित्य:

• रवा
• इनो
• मीठ
• कांदा
• हिरवी मिरची
• दही
• कोथिंबीर
• मीठ
• तेल

Recipe : हिवाळ्यात हा एक लाडू खाल तर संपूर्ण शरीर होईल बळकट, गुडघे, पाठ आणि सांधेदुखीपासून मिळेल आराम

कृती:

• वाटीभर रव्याचे इन्स्टंट आप्पे बनवण्यासाठी, वाटीमध्ये रवा घेऊन त्यात दही आणि चवीनुसार मीठ घालून व्यवस्थित मिक्स करून घ्या.
• १५ ते २० मिनिटं तयार केलेले मिश्रण झाकण मारून बाजूला ठेवून द्या. यामुळे इडलीच्या पिठासारखे मिश्रण तयार होईल.
• तयार केलेल्या पिठात बारीक चिरलेला कांदा, हिरवी मिरची, कोथिंबीर, मक्याचे दाणे घालून व्यवस्थित मिक्स करून घ्या.
• सगळ्यात शेवटी पिठात इनो मिक्स करून घ्या. ज्यामुळे रवा फुगून पीठ मऊ होईल.
• आप्पे पात्र गरम करून त्यात तेल टाका. तेल व्यवस्थित गरम झाल्यानंतर त्यात तयार केलेले आप्पे पीठ घालून दोन्ही बाजूने आप्पे कुरकुरीत होईपर्यंत भाजून घ्या.
• तयार आहेत सोप्या पद्धतीमध्ये बनवलेले इन्स्टंट रव्याचे आप्पे.