जेवणात चार घास जातील जास्त! उन्हाळ्यात हिरव्यागार कैरी बोरांपासून बनवा चविष्ट आंबटगोड चटणी

उन्हाळ्याच्या दिवसांमध्ये बाजारात उपलब्ध असलेल्या कैरीपासून सोप्या पद्धतीमध्ये आंबटगोड चवदार चटणी बनवू शकता. जेवणात आंबटगोड पदार्थ असेल तर चार घास जेवण जास्त जाते. जाणून घ्या कैरीची चटणी बनवण्याची रेसिपी.

उन्हाळा सुरु झाल्यानंतर सगळ्यात आधी येणारी आठवण म्हणजे आंबे, कैरी. या ऋतूमध्ये कोकणात मोठ्या प्रमाणावर आंबे उपलब्ध असतात. चवीला आंबट गोड असलेली कैरी लहान मुलांपासून ते अगदी मोठ्यांपर्यंत सगळ्यांचं खायला आवडते. कैरीला लाल तिखट आणि मीठ लावून खाल्ले जाते. याशिवाय कैरीपासून चटणी, मुरंबा, कोशिंबीर इत्यादी अनेक पदार्थ बनवले जातात. कैरीपासून बनवलेले पदार्थ जर जेवणात असतील तर चार घास जेवण जास्त जाते. याशिवाय उन्हाळ्यात कैरीपासून बनवलेले पदार्थ साठवून ठेवले जातात, ज्या पदार्थांचे सेवन इतर ऋतूंमध्ये केले जाते. उन्हाळ्यात राज्यातील प्रत्येक वेगवेगळ्या भागात अनेक वेगवेगळे पदार्थ बनवले जातात. त्यामुळेच आज आम्ही तुम्हाला कैरी आणि बोरांपासून आंबटगोड चटणी बनवण्याची सोपी रेसिपी सांगणार आहोत. चला तर जाणून घेऊया रेसिपी.(फोटो सौजन्य – iStock)

Summer Drink: शरीराला थंडावा देईल मोहब्बत का शरबत, चवीलाही अप्रतिम; घरी कसा बनवायचा ते जाणून घ्या

साहित्य:

• कैरी
• छोटी बोर
• मीठ
• लाल तिखट
• गूळ
• बडीशेप

लालचुटुक गुलाबाच्या पाकळ्यांपासून पारंपरिक पद्धतीने बनवा गुलकंद, उन्हाळ्यात मिळेल थंडावा

कृती:

• आंबटगोड कैरी बोरांची चटणी बनवण्यासाठी सर्वप्रथम, कैरी आणि बोर स्वच्छ धुवून घ्या. त्यानंतर कैरीची साल काढून बारीक तुकडे करा.
• कुकरमध्ये बारीक तुकडे करून घेतलेली कैरी आणि बोर टाकून ४ किंवा ५ शिट्ट्या काढून घ्या. कुकर थंड करण्यासाठी ठेवा.
• कढईमध्ये तेल गरम करून त्यात शिजवलेले बोर-कैरीचे मिश्रण घाला. नंतर त्यात गूळ घालून पूर्णपणे वितळवून घ्या. सगळ्यात
• शेवटी बेडीशेप आणि चिंच घालून पुन्हा एकदा व्यवस्थित शिजवा.
• वरून लाल तिखट आणि चवीनुसार मीठ घालून मिक्स करा. तयार आहे सोप्या पद्धतीमध्ये बनवलेली कैरी बोरांची चटणी.