फोडणीच्या भाताला द्या अनोखा ट्विस्ट! सकाळच्या नाश्त्यात १० मिनिटांमध्ये बनवा चविष्ट कैरी भात

कैरीचे नाव घेतल्यानंतर सगळ्यांच्या तोंडाला पाणी सुटते. मात्र काहींना कच्ची कैरी खाल्यानंतर त्रास होतो. अशावेळी तुम्ही कैरीचा वापर करून सोप्या पद्धतीमध्ये भात बनवू शकता. हा भात घरातील सगळ्यांना नक्कीच आवडेल.

लहान मुलांपासून ते अगदी मोठ्यांपर्यंत सगळ्यांचं कच्ची कैरी खायला खूप जास्त आवडते. कच्च्या कैरीचे नाव ऐकल्यानंतर सगळ्यांच्या तोंडाला पाणी सुटते. उन्हाळा ऋतूला सुरुवात झाल्यानंतर अनेक थंड पदार्थ खाण्यास सल्ला दिला जातो. थंड पदार्थांचे सेवन करण्यासोबतच आहारात देखील पौष्टिक पदार्थ खावेत. बऱ्याचदा रात्री वेळी जेवणात बनवला भात तसाच शिल्लक राहून जातो. उरललेला भात शिल्लक राहिल्यानंतर त्यापासून अनेक वेगवेगळे पदार्थ बनवले जातात. उरलेल्या भातापासून फ्राय भात किंवा इतर वेगवेगळे पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये कैरीचा भात बनवण्याची सोपी रेसिपी रेसिपी सांगणार आहोत. या पद्धतीने बनवलेला भात चवीला अतिशय सुंदर लागेल.चला तर जाणून घेऊया कैरीचा भात बनवण्याची सोपी रेसिपी.(फोटो सौजन्य – iStock)

नेहमीची तीच दालखिचडी खाऊन कंटाळा आला असेल तर सोप्या पद्धतीमध्ये बनवा ‘चविष्ट पालक खिचडी’

साहित्य:

• कढीपत्ता
• मोहरी
• तेल
• हिंग
• कैरी
• शिजवलेला भात
• शेंगदाणे
• लिंबाचा रस
• उडीद डाळ

१५ मिनिटांमध्ये घरी बनवा हॉटेल स्टाईल कुरकुरीत ओनियन रिंग्ज, नोट करून घ्या चविष्ट रेसिपी

कृती:

• कैरीचा भात बनवण्यासाठी सर्वप्रथम, कैरी स्वच्छ धुवून साल काढून कैरीचे बारीक तुकडे करा.
• कढईमध्ये तेल गरम करून त्यात शेंगदाणे भाजून काढा. नंतर त्यात मोहरी, जिंग आणि कढीपत्त्याची पान टाकून भाजा.
• कढीपत्ता छान भाजल्यानंतर त्यात उडीद डाळ टाकून मिक्स करून घ्या. डाळ भाजल्यानंतर बारीक चिरून घेतलेल्या हिरव्या मिरच्या टाकून मिक्स करा.
• तेलात हळद टाकून मिक्स करा आणि कैरीचे बारीक करून ठेवलेले तुकडे ठेवून मिक्स करा.
• नंतर त्यात भात, चवीनुसार मीठ आणि लिंबाचा रस टाकून मिक्स करून घ्या. तयार आहे सोप्या पद्धतीमध्ये बनवलेला कैरीचा भात.
• भात तयार करताना कैरी व्यवस्थित शिजल्यानंतर त्यात भात टाकावा. यामुळे अतिशय सुंदर लागेल.