वरण भातासोबत हिरव्यागार कच्च्या कैरीचा बनवा आंबटगोड झणझणीत ठेचा,नोट करून घ्या चविष्ट रेसिपी

जेवणात जर कैरीची चटणी असेल तर दोन घास जेवण जास्त जाते. त्यामुळे तुम्ही सोप्या पद्धतीमध्ये घरी कैरीचा ठेचा बनवू शकता. कैरीचा ठेचा चवीला अतिशय सुंदर लागतो. जाणून घ्या कैरीचा ठेचा बनवण्याची सोपी रेसिपी.

एप्रिल महिन्याला सुरुवात झाल्यानंतर सगळीकडे कच्च्या कैऱ्या, पिकलेले आंबे, रानमेवा बाजारात उपलब्ध असतो. कैरीचे नाव घेतल्यानंतर सगळ्यांच्या तोंडाला पाणी सुटते.कैरीची चवीला अतिशय आंबटगोड लागते. उन्हाळ्याच्या दिवसांमध्ये कैरीचा वापर करून कैरीची आमटी, चटणी, मुरंबा, कैरीचे लोणचं इत्यादी अनेक पदार्थ बनवले जातात.मी कैरीचा वापर माश्यांच्या जेवणात देखील केला जातो. जेवणात तोंडी लावण्यासाठी कैरीचे सेवन केले जाते. डाळ भात किंवा भाकरी बनवल्यानंतर तुम्ही कैरीची चटणी किंवा कैरीचा ठेचा खाऊ शकता. नेहमीच कैरीची चटणी खाऊन कंटाळा आल्यानंतर तुम्ही कैरीचा ठेचा बनवू शकता. कैरीचा ठेवा बनवण्यासाठी जास्त वेळ लागत नाही. कमीत कमी वेळात झटपट कोणता पदार्थ हवा असेल तर कैरीचा ठेचा बनवू शकता. हा ठेचा आठवडाभर सहज टिकतो. जाणून घ्या कैरीचा ठेचा बनवण्याची सोपी रेसिपी.(फोटो सौजन्य – iStock)

चटपटीत पदार्थ खाण्याची इच्छा झाली आहे? मग सोप्या पद्धतीमध्ये घरी बनवा पॅटीस पाव, वाचा रेसिपी

साहित्य:

• कैरी
• हिरवी मिरची
• तेल
• भाजलेले शेंगदाणे
• लसूण
• जिरं
• मीठ
• कोथिंबीर

5 मिनिटांतच तयार होईल कांद्याची ही स्पेशल भाजी; त्वरित नोट करा रेसिपी

कृती:

• कैरीचा ठेचा बनवण्यासाठी सर्वप्रथम, कैरीची साल काढून बारीक तुकडे करून घ्या.
• त्यानंतर पॅनमध्ये तेल गरम करून त्यात शेंगदाणे, हिरवी मिरची, जिरं आणि लसूण पाकळ्या टाकून काहीशा भाजून घ्या.
• त्यानंतर त्यात कैरीचे बारीक करून घेतलेले तुकडे टाकून हलकेसे परतून घ्या.
• भाजून घेतलेले मिश्रण थंड झाल्यानंतर खलबत्यामध्ये काढून मुसळीची सहाय्याने बारीक कुटून घ्या किंवा मिक्सरच्या भांड्यात टाकून जाडंबरीक वाटून घ्या.
• तयार करून घेतलेला ठेचा वाटीमध्ये काढून त्यात चवीनुसार मीठ मिक्स करा आणि खाण्यासाठी सर्व्ह करा.
• कैरीचा ठेचा आठवडाभर व्यवस्थित टिकून राहतो. भाकरी किंवा चपातीसोबत ठेचा खाऊ शकता.