आंबटगोड कच्च्या कैरीपासून बनवा चवदार कैरीच्या वड्या, लहान मुलांसह मोठेसुद्धा खातील आवडीने

लहान मुलांपासून अगदी मोठ्यांपर्यंत सगळ्यांच कच्ची कैरी खायला खूप आवडते. कच्च्या कैरीपासून बनवलेली पदार्थ चवीला अतिशय सुंदर लागतात. जाणून घ्या कच्च्या कैरीची वडी बनवण्याची सोपी रेसिपी.

कडक उन्हाळा वाढल्यानंतर शरीरात अनेक बदल दिसून येतात. सतत थकवा जाणवणे, अशक्तपणा जाणवणे, चिडचिड होणे इत्यादी अनेक आरोग्यासंबंधित समस्या उद्भवू लागतात. उष्णता वाढल्यानंतर शरीरातील पाण्याची पातळी कमी होऊन जाते. त्यामुळे आहारात थंड पदार्थ, ताक, दही, सरबत इत्यादी पेयांचे सेवन करावे. या पेयांच्या सेवनामुळे शरीराला अनेक फायदे होतात. उन्हाळ्यात बाजारात मोठ्या प्रमाणावर कच्च्या कैरी उपलब्ध असतात. कैरीपासून कैरीचा तक्कू, मेथांबा, साखरअंबा, गुळांबा इत्यादी अनेक पदार्थ बनवले जातात. मात्र आज आम्ही तुम्हाला कच्च्या कैरीपासून आंबटगोड वड्या बनवण्याची सोपी रेसिपी सांगणार आहोत. या आंबटगोड वड्या अधिककाळ व्यवस्थित टिकून राहतात. लहान मुलांपासून अगदी मोठ्यांपर्यंत सगळ्यांचं कच्ची कैरी खायला खूप आवडते. नेहमीच चॉकटेल, गोळ्या खाऊन कंटाळा आल्यानंतर तुम्ही कैरीपासून बनवलेल्या वड्यांचे सेवन करू शकता. जाणून घ्या कैरीच्या आंबटगोड वड्या बनवण्याची सोपी रेसिपी.(फोटो सौजन्य – iStock)

Punjabi Lassi Recipe: उन्हाळ्यात घरी बनवा मलाईदार पंजाबी लस्सी; उष्माघातापासून करेल बचाव

साहित्य:

• कच्ची कैरी
• पाणी
• साखर
• काळ मीठ
• जिऱ्याची पावडर
• काळीमिरी पावडर
• चिलीफ्लेक्स

मुलायम आणि चमकदार त्वचेसाठी घरी बनवा बीटरूटचे खास ड्रिंक! त्वचा राहील कायम फ्रेश, नोट करून घ्या रेसिपी

कृती:

• कच्च्या कैरीच्या आंबटगोड वड्या बनवण्यासाठी सर्वप्रथम, कैरी स्वच्छ धुवून तिची साल काढून बारीक तुकडे करून घ्या.
• त्यानंतर कढईमध्ये पाणी गरम करून कैरीचे तुकडे शिजवा. कैरी शिजवताना त्यात चवीनुसार थोडेसे मीठ घाला.
• कैरीची तुकडे मऊ झाल्यानंतर मिक्सरच्या भांड्यात टाकून पेस्ट तयार करा. त्यानंतर गाळणीच्या साहाय्याने गाळून घ्या.
• कढईमध्ये कैरीची पेस्ट, साखर आणि जिऱ्याची पावडर, चवीनुसार थोडस मीठ आणि काळीमिरी पावडर टाकून मिक्स करा.
• 10 ते 12 मिनिटं कच्च्या कैरीचे मिश्रण शिजल्यावर त्यात आवडीनुसार हिरवा रंग टाका.
• त्यानंतर ताटाला तेल लावून कच्च्या कैरीचे मिश्रण ताटाला लावून पसरवून घ्या. १० मिनिटांनी तुमच्या आवडीनुसार कैरीच्या वडीचे तुकडे करून घ्या.
• तयार आहे सोप्या पद्धतीमध्ये बनवलेली कच्च्या कैरीची वडी.