पास्ता बनवायला अवघड वाटतो? मग १५ मिनिटांमध्ये बनवा स्वादिष्ट Red Sauce Pasta, नोट करून घ्या रेसिपी

आज आम्ही तुम्हाला १५ मिनिटांमध्ये रेड सॉस पास्ता बनवण्याची सोपी रेसिपी सांगणार आहोत. हा पदार्थ घाईगडबडीच्या वेळी किंवा लहान मुलांच्या डब्यासाठी अतिशय उत्तम पर्याय आहे.

लहान मुलांपासून अगदी मोठ्यांपर्यंत सगळ्यांचं पास्ता खायला खूप जास्त आवडतो. पिझ्झा, पास्त्याचे नाव ऐकल्यानंतर तोंडाला पाणी सुटते. पास्ता खाण्याची इच्छा झाल्यानंतर कायमच हॉटेलमध्ये किंवा कोणत्याही कॅफेमध्ये जाऊन पास्ता खाल्ला जातो. पण नेहमीच विकतचे पदार्थ खाण्याऐवजी घरी बनवलेल्या पौष्टिक आणि चविष्ट पदार्थांचे सेवन करावे. आज आम्ही तुम्हाला अवघड वाटणारा पास्ता १५ मिनिटांमध्ये कसा बनवायचा याची सोपी रेसिपी सांगणार आहोत. या पद्धतीने बनवलेला पास्ता लहान मुलांसह मोठेसुद्धा खूप जास्त आवडीने खातील. हॉटेलमध्ये गेल्यानंतर लहान मुलं आवडीने पास्ता खातात. पण कमीत कमी पैशांमध्ये आणि कोणतेही प्रिझर्व्हेटीव्ह, केमिकल्सचा वापर न करता पास्ता तुम्ही घरी पास्ता बनवू शकता. रेड सॉस पास्ता लहान मुलांच्या डब्यासाठी किंवा बाहेर फिरायला जाताना तुम्ही बनवू शकता. चला तर जाणून घेऊया १५ मिनिटांमध्ये झटपट पास्ता बनवण्याची सोपी रेसिपी.

Winter Recipe : थंडीत घरी बनवा गरमा गरम आलू-मटर पुलाव; झटपट रेसिपी नोट करा

साहित्य:

• पास्ता
• कांदा
• टोमॅटो
• काळीमिरी पावडर
• मीठ
• तेल
• शिमला मिरची
• लसूण
• चीज
• फ्रेश क्रीम

एकाच भाजीत मिश्र भाज्यांचा संगम! हिवाळ्यात जरूर बनवून खा गुजराती स्टाईल ‘उंधियो’; रेसिपी नोट करा

कृती:

• रेड सॉस पास्ता बनवण्यासाठी सर्वप्रथम, टोपात पाणी गरम करून त्यात पास्ता घालून शिजवून घ्या. शिजल्यानंतर पाणी काढून थंड पाणी ओतून काहीवेळा बाजूला ठेवा.
• कढईमध्ये तेल गरम करून त्यात लसूण पाकळ्या, कांदा, टोमॅटो घालून मंद आचेवर शिजवून घ्या. त्यानंतर त्यात शिमला मिरची आणि चवीनुसार मीठ घालून मंद आचेवर शिजवा.
• शिजवून घेतलेले सर्व मिश्रण थंड झाल्यानंतर मिक्सरच्या भांड्यात घालून बारीक वाटून पेस्ट तयार करा.पेस्ट तयार करताना त्यात पाणी घालू नये.
• बटर गरम करून त्यात तयार केलेली पेस्ट घालून तेल सुटेपर्यंत भाजा. त्यानंतर त्यात फ्रेश क्रीम आणि चीज, काळीमिरी पावडर घालून मिक्स करा.
• मिश्रण व्यवस्थित शिजल्यानंतर त्यात शिजवून घेतलेला पास्ता घालून व्यवस्थित मिक्स करा. २ ते ३ मिनिट शिजल्यानंतर गॅस बंद करून पास्ता खाण्यासाठी सर्व्ह करा.
• तयार आहे सोप्या पद्धतीमध्ये बनवलेला रेड सॉस पास्ता. तुम्ही बनवलेला पास्ता घरातील सगळ्यांचं खूप जास्त आवडेल.