उपवासाच्या ताटाची वाढेल रंगतदार चव! वाटीभर साबुदाण्यांचा वापर करून बनवा खुसखुशीत थालीपीठ, सगळेच खातील आवडीने

उपवासाच्या दिवशी कायमच साबुदाणा खिचडी खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. अशावेळी तुम्ही साबुदाणा थालीपीठ बनवू शकता. हा पदार्थ चवीला अतिशय सुंदर लागतो.

श्रावण महिन्याच्या प्रत्येक सामोवारी आणि शनिवारी उपवास केला जातो. श्रावणात उपवास करणे अतिशय शुभ मानले जाते. उपवासाच्या दिवशी सकाळच्या नाश्त्यात किंवा इतर वेळी साबुदाणा खिचडी किंवा साबुदाणा वडा बनवून खाल्ला जातो. पण रिकाम्या पोटी तेलकट पदार्थ बनवून खाणे शरीरासाठी अजिबात चांगले नाही. यामुळे अपचनाच्या समस्या वाढू शकतात. त्यामुळे उपवासाच्या दिवशी सहज पचन होणाऱ्या पदार्थांचे सेवन करावे. आज आम्ही तुम्हाला सोप्या पद्धतीमध्ये साबुदाणा थालीपीठ बनवण्याची रेसिपी सांगणार आहोत. या पद्धतीने बनवलेले थालीपीठ चवीला अतिशय सुंदर लागेल आणि पोट सुद्धा भरलेले राहील. साबुदाणा थालीपीठ आणि काकडीची कोशिंबीर हे कॉम्बिनेशन चवीसोबतच शरीरासाठी सुद्धा फायदेशीर आहे. साबुदाणे आणि दही एकत्र खाल्ल्यास पचनाच्या कोणत्याही समस्या उद्भवत नाहीत. चला तर जाणून घेऊया साबुदाणा थालीपीठ बनवण्याची सोपी रेसिपी.(फोटो सौजन्य – pinterest)

चाट खाण्याची इच्छा झाली आहे? घरच्या घरी झटपट बनवा चटपटीत चाट टोकरी, नोट करून घ्या रेसिपी

साहित्य:

• साबुदाणे
• हिरवी मिरची पेस्ट
• शेंगदाण्याचा कूट
• मीठ
• काळीमिरी पावडर
• बटाटा
• तूप

सकाळच्या नाश्त्यासाठी परफेक्ट! १० मिनिटांमध्ये झटपट बनवा मऊसूत Onion Uttapam, नोट करा रेसिपी

कृती:

• साबुदाणा थालीपीठ बनवण्यासाठी सर्वप्रथम, रात्रभर साबुदाणे पाण्यात भिजत ठेवा. सकाळी भिजवलेल्या साबुदाण्यातील पाणी काढून टाका.
• कुकरच्या भांड्यात २ बटाटे, चवीनुसार मीठ आणि पाणी घालून कुकरच्या ३ ते ४ शिट्या काढून बटाटे शिजवा.
• उकडलेल्या बटाट्याची साल काढून मॅश करून घ्या. मॅश केलेल्या बटाट्यांमध्ये भिजवलेले साबुदाणे, शेंगदाण्याचा कूट, हिरव्या मिरची पेस्ट आणि चवीनुसार मीठ, काळीमिरी पावडर घालून व्यवस्थित मिक्स करा.
• तयार केलेल्या मिश्रणाचा गोळा करून भिजवलेल्या रुमालावर थालीपीठ थापून घ्या आणि गरम तव्यावर भाजण्यासाटी टाका.
• अर्धवट थालीपीठ भाजल्यानंतर बाजूने तूप सोडून दोन्ही बाजूने कुरकुरीत होईपर्यंत भाजून घ्या.
• तयार आहे सोप्या पद्धतीमध्ये बनवलेले साबुदाणा थालीपीठ. हा पदार्थ काकडीच्या कोशिंबीरसोबत मस्त लागतो.