कडक उन्हाळ्यात शरीराला थंडावा देण्यासाठी झटपट बनवा पित्तशामक सोलकढी, शरीर राहील कायम फ्रेश

उन्हाळ्यात घरी आलेल्या पाहुण्यांसाठी किंवा थकून घरी आल्यानंतर शरीराला थंडावा देण्यासाठी तुम्ही सोलकढी बनवू शकता. सोलकढीचे सेवन केल्यामुळे शरीरातील पित्त कमी होते. जाणून घ्या सोलकढी बनवण्याची सोपी कृती.

कोकणात उन्हाळ्यासह इतर सर्वच ऋतूंमध्ये सोलकढी हे पेय आवडीने प्यायले जाते. सोलकढी हा पदार्थ सगळ्यांचं खूप आवडतो. उन्हाळयात सोलकढी प्यायल्यामुळे शरीराला थंडावा मिळतो. कोकमपासून बनवलेली सोलकढी शरीराला थंडावा देते. दुपारच्या वेळी किंवा संध्याकाळच्या वेळी जेवण केल्यानंतर सोलकढी प्यायल्यास जेवलेले अन्न व्यवस्थित पचन होते. याशिवाय बिघडलेली पचनक्रिया सुधारण्यासाठी सोलकढी पिऊ शकता. सोलकढी बनवण्यासाठी कोकम आणि खोबऱ्याच्या रसाचा वापर केला जातो. उन्हात बाहेर जाऊन आल्यानंतर सोलकढी प्यायल्यास पोटात वाढलेली उष्णता कमी होईल आणि शरीर थंड राहील. त्यामुळे आज आम्ही तुम्हाला सोप्या पद्धतीमध्ये कोकमचा वापर करून सोलकढी बनवण्याची सोपी रेसिपी सांगणार आहोत. या पद्धतीने सोलकढी बनवल्यास चव अतिशय सुंदर लागेल. चला तर जाणून घेऊया रेसिपी.(फोटो सौजन्य – pinterest)

यंदाच्या वाळवणीत बनवा वर्षभर टिकणारी दही मिरची, जेवणात तोंडी लावण्यासाठी चमकचमीत पदार्थ

साहित्य:

• कोकमचे आंबट सरबत
• मीठ
• ओलं खोबरं
• हिरवी मिरची
• लसूण
• जिरं

सकाळच्या नाश्त्यात हेल्दी पदार्थ हवा आहे? मग सोप्या पद्धतीमध्ये स्वादिष्ट अन् पौष्टिक बीट सँडविच

कृती:

• सोलकढी बनवण्यासाठी सर्वप्रथम, ओलं खोबरं किसून घ्या. त्यानंतर त्यात बारीक चिरून घेतलेली हिरवी मिरची टाका.
• मिक्सरच्या भांड्यात ओल्या खोबऱ्याचा किस, हिरवी मिरची, लसूण पाकळ्या आणि जिरं टाकून त्यात आवश्यकतेनुसार पाणी घालून बारीक वाटा.
• वाटून झाल्यानंतर कॉटनच्या कापडावर तयार करून घेतलेले मिश्रण ओतून घट्ट पिळून त्यातील खोबऱ्याचा रस काढा.
• रस काढून झाल्यानंतर उरलेला ओल्या खोबऱ्याचा किस मिक्सरच्या भांड्यात टाकून पुन्हा एकदा पाणी टाकून बारीक वाटा.
  वाटून झाल्यानंतर वरील पद्धतीने रस काढा.
• खोबऱ्याच्या रसात २ चमचे कोकमचे आंबट आगळ टाकून मिक्स करा. त्यानंतर त्यात चवीनुसार मीठ टाका.
• सगळ्यात शेवटी सोलकढीची चव वाढवण्यासाठी बारीक चिरून घेतलेली कोथिंबीर टाकून मिक्स करा.
• तयार आहे उन्हाळ्यासाठी बनवलेली पित्तशामक सोलकढी.